Թուրք պատգամավոր. «Սադամն ուներ «Քիմիական Ալի», Էրդողանն ունի «Քիմիական Ավնի»

Տարածաշրջան07:05, 18 Հունիս 2013

Թուրք պատգամավոր. «Սադամն ուներ «Քիմիական Ալի», Էրդողանն ունի «Քիմիական Ավնի»

Թուրքիայի խորհրդարանում հրավիրված մամուլի ասուլիսի ժամանակ գլխավոր ընդդիմադիր ուժի` «Ժողովրդահանրապետական կուսակցության» պատգամավոր Մուհարրեմ Ինջեն անդրադարձել է Գեզի զբոսայգու համար ընթացող ցույցերին և իշխանությունների հակազդեցությանը:

Ինչպես հաղորդում է թուրքական «NTV» լրատվականը, ընդդիմադիր պատգամավորը դատապարտել է ցուցարարների դեմ ուժայինների գործադրած միջոցներն ու մեթոդները: Նրա գնահատմամբ` վերջին երկու օրերին Թուրքիայում մարդկության դեմ ուղղված հանցագործություն է կատարվում:

«Քիմիական նյութեր են օգտագործվել: Եթե Սադամի ժամանակ «Սադամ Հուսեյնի զարմիկը` Ալի Հասան ալ Մաջիդը, քիմիական զենք օգտագործելու հրաման տալու համար ստացել էր «Քիմիական Ալի» մականունը: Ստամբուլի նահանգապետ Հուսեյն Ավնի Մութլուն էլ Էրդողանի համար ծառայում է որպես «Քիմիական Ավնի»: Բայց Էրդողանի ռեժիմի տապալումից հետո դատարաններում պատասխան կտա»:

Մուհարրեմ Ինջեն նշել է, թե ինչպես է Էրդողանը դատողություններ անում քաղաքական գործչի հոգեբանության և սոցիոլոգիայի մասին, լրագրողներին ասել է հետևյալը. «Նոր ենք իմանում, որ վարչապետը գաղափար ունի սոցիոլոգիայից և հոգեբանությունից: Եթե իր կյանքի ընթացքում գոնե մեկ գիրք կարդա սոցիոլոգիայի և հոգեբանության մասին, խոսք եմ տալիս նման վարչապետից ներողություն խնդրել»:

Ընդդիմադիր պատգամավորը երիտասարդներին կոչ է արել չվախենալ, չընկրկել և շարունակել պայքարը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: