ERMENI HABER AJANSI

Թուրքական «Հյուրրիյեթ» օրաթերթի սյունակագիր Յալչըն Դողանն անդրադարձել է Թուրքիայի եվրաանդամակցության պահանջներին, պայմաններին ու դրանց կարևորությանը: Հեղինակը բարձրացրել է Թուրքիայի ժողովրդավարացման հարցը, որի անվան տակ Արևմուտքը փորձում է ամեն ինչ անել տալ Թուրքիային:  Հոդվածագիրն ակնհայտ հեգնանքով է անդրադառնում 2004-ին դեկտեմբերի 15-ին Եվրախորհրդարանի կողմից Անկարայի առջև դրված եվրաինտեգրման պահանջներին:

«Թուրքիայի իշխանությունները պետք է քրդական ուժերի (ՔԲԿ-PKK) հետ փոխզիջման գնան:

- Կարծես թե Թուրքիայի չորս կողմից լսվող ծափողջյունները, նոր շրջան պիտի բացեն մեզ համար:

Բանակի քաղաքական դերը պետք է ավելի սահմանափակվի:

- Կեցցեք, սա արդեն լիակատար ժողովրդավարությունն է, որ գալիս է:

Հայոց ցեղասպանության օրինագիծը պետք է ընդունվի:

- Ժողովրդավարությունն ահավասիկ սա է, ամեն ինչ պետք է քննարկել իմանանք:

Եփրատ, Տիգրիս գետերի ջրերը պետք է հանձնվեն միջազագային կառույցներին:

- Պահո, Թուրքիան իրական ժողովրդավարության հետ է ծանոթանում:

Թուրքական բանակը դուրս պետք է գա կիպրական տարածքներից:

- Այս ամենը կասվի ու թող արվի, կարևորը ժողովրդավարությունն է

 Ստամբուլի Հեյբելիադա կղզու հույն ուղղափառ եկեղեցու հոգևոր դպրոցը պետք է բացվի:

- Բացենք, ի°նչ կա որ, միայն թե ժողովրդավարությունը թող գա»,- գրում է Յալչըն Դողանը և նկատել տալիս, որ Թուրքիան չի առարկել վերոթվարկյալ պահանջներից և ոչ մեկը:

Ermenihaber.am