Թուրքիան կարող է կորցնել վստահությունը օտար ներդրողների համար

Տնտեսական15:24, 14 Հունիս 2013

Թուրքիան կարող է կորցնել վստահությունը օտար ներդրողների համար

Թուրքական «Աքշամ» էլէկտրոնային օրաթերթը անդրադարձել է անգլիական «Էկոնոմիստ» հանդեսում «Հզոր, բայց անպաշտպան» վերնագրով հրապարակված հոդվածին, որտեղ ներկայացվում է վերջին օրերին Ստամբուլի Գեզի զբոսայգու համար տեղի ունեցող ցույցերի և դրանց արդյունքում տեղի ունեցած բախումների բացասական հետևանքները Թուրքիայի տնտեսության վրա:

Հոդվածում նշվում է, որ Թուրքիայի տնտեսության 1990-ականների անկայուն վիճակից և դրան հաջորդած 2001-ի մեծ ճգնաժամից հետո կառավարող Արդարություն և զարգացում կուսակցությանը հաջողվել էր հասնել տնտեսական կայունության և ապահովել ցածր գնաճ:

Թերթը նշում է, որ Թուրքիայի համար մեծապես կարևոր է կանխիկ գումարի հոսքը, հետևաբար նաև` օտարերկրյա ներդրողների վստահությունը: Ահա այդ պատճառով էլ շատ կարևոր է Թաքսիմի դեպքերից հետո արժութային բորսաներում գրանցված ցնցումները: Նշվում է նաև, որ Ստամբուլի բորսան, որը մայիսի 22-ին հասել էր իր պատմության մեջ ամենաբարձր մակարդակին, Թաքսիմի դեպքերի շաբաթվա ընթացքում միջինը 20 %-ի անկում է ունեցել:

Թերթը նշելով, որ 2012 թվականին Թուրքիայի տնտեսական աճի ցուցանիշը կազմել է 2 %, գրել է. «Թուրքիայի ամենամեծ անհանգստությունը երկրից դուրս է: Առաջընթացի քայլերը դանդաղեցնող տնտեսության ընթացիկ պարտքի դեֆիցիտը նվազել է, սակայն այն այս տարի ևս 6 % կլինի: Ավելին, ընթացիկ ճեղքվածքը Թուրքիան փակում է կարճատև դրամական հոսքերով: Թուրքիան ունի ծայրահեղ ռիսկային, բայց բարձր աճի տոկոսներ ապահովող տնտեսություն»:

Ermenihaber.am

Այս ենթաբաժնի վերջին նորությունները

11:46, 07 մայ

Թուրքական ընկերությունը Եվրոպայում 1 մլրդ դոլարի ներդրումային ծրագիր է շահել

«Gülermak» կապալառու ընկերությունը վերջին 4 ամսում հաղթել է Սերբիայում և Լեհաստանում մի շարք շինաշխատանքների տենդեռներ:

14:36, 06 մայ

Թուրքիան հիդրոէլեկտրակայանների հզորությամբ աշխարհում 9-րդն է

Սան Ֆրանցիսկոյում գործող «Global Energy Monitor» կազմակերպությունը հրապարակել է այն երկրների ցանկը, որոնք ունեն աշխարհի հզորագույն հիդրոէլեկտրակայանները։