Աբդուլահ Գյուլի պատասխանը ԵԽ-ի որոշմանը

Քաղաքական12:15, 14 Հունիս 2013

Աբդուլահ Գյուլի պատասխանը ԵԽ-ի որոշմանը

Եվրոխորհրդարանի (ԵԽ) Գեզի զբոսայգու իրադարձությունների վերաբերյալ կայացրած որոշմանն արձագանքել է Թուրքիայի նախագահ Աբդուլլահ Գյուլը: Թուրքական «Ջումհուրիյեթ» օրաթերթը հրապարակել է Աբդուլահ Գյուլի հայտարարությունն այդ կապակցությամբ:

Գյուլը մասնավորապես ասել է. «Համենայնդեպս Եվրախորդարանը գիտի, որ Թուրքիան գտնվում է Եվրամիության հետ բանակցային գործըթացի մեջ: Բանակցելու գործըթացում պայման է հանդիսանում կոպենհագենյան քաղաքական չափորոշիչների կյանքի կոչումը: Եվ բանակցություններ են տարվում Թուրքիայի կողմից վերոնշյալ չափորոշիչների ապահովման համար, ինչպես նաև գործող ժողովրդավարության և իրավակարգի համար: Ահա թե ինչու է հարկավոր արձագանքելուց առաջ լավատեղյակ լինել, թե իրականում ինչ է կատարվել: Սրանք Մադրիդում, Աթենքում, Նյու Յորքում, Լոնդոնում տեղի ունեցող իրադարձությունների նման երևույթներ են»:

Հիշեցնենք, որ մայիսի 28-ից Թուրքիայում սկսվել են զանգվածային բողոքի ցույցեր, որոնց պատճառն իշխանությունների քաղաքաշինական նոր ծրագիրն է, ըստ որի,Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկծառերը` հատվեին: Զբոսայգու ոչնչացմանն ու ծառահատմանն ընդդիմացածցուցարարների դեմ թուրքական ոստիկանությունը բիրտ ուժ է կիրառել`օգտագործելով արցունքաբեր գազ, ջրցանմեքենաներ, պլաստիկ փամփուշտներ ևհատուկջոկատայիններ: Հետևանքը եղավ այն, որ բնապահպանական բնույթիցույցերն աստիճանաբար վերածվեցին հակառավարական ակցիաների և ընդգրկեցին Թուրքիայի տասնյակ քաղաքներ: Վերջին տվյալների համաձայն`կան հարյուրավոր ձերբակալվածներ, վիրավորներ և 5 զոհ:

Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։