Դավութօղլուն դժգոհել է Գերմանիայից

Քաղաքական10:41, 13 Հունիս 2013

Դավութօղլուն դժգոհել է Գերմանիայից

Թուրքիայի արտգործնախարար Ահմեթ Դավութօղլուն գերմանացի գործընկերոջ` Գիդո Վեսթերվելլեի հետ հեռախոսազրույցի ժամանակ իր դժգոհությունն է հայտնել Գեզի զբոսայգու վերաբերյալ վերջինիս հայտարարության և Գերմանիայի խորհրդարանում կազմակերպված Թուրքիայի մասին նիստի վերաբերյալ:

Ըստ թուրքական «Սթար գազեթե» լրատվական կայքի` Դավութօղլուն հայտնել է, որ Թուրքիան ժողովրդավարական երկիր է և այդ շրջանակում ամեն տեսակ ժողովրդավարական իրավունք կարող է կիրառվել` ներառյալ ցուցերի և խոսքի ազատությունը:

«Ժողովրդավարությունը միևնույն ժամանակ կանոնների համակարգ է, որի օրենքներին բոլորը պետք է համապատասխանեն»,- նշել է Դավութօղլուն:

Ըստ Թուրքիայի արտգործնախարարի` ամբողջ Եվրոպայում, ներառյալ նաև Գերմանիայում, նմանատիպ դեպքեր տեղի են ունեցել բազմիցս: Դավութօղլուն նշել է նաև, որ վարչապետ Ռեջեփ Թայիփ Էրդողանը Գեզի զբոսայգու դեպքերի առնչությամբ հանդիպումներ է անցկանցում խաղաղ ցուցարարների շահերը ներկայացնող անձանց հետ:

«Թուրքական ժողովրդավարությունն ուժ ունի, որպեսզի կարողանա խնդրին սեփական զարգացումներին համապատասխան լուծում տալ»,- ընդգծել է նախարարը:

Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։