Թուրքիայում բախումները շարունակվում են. կան վիրավորներ

Տարածաշրջան08:02, 12 Հունիս 2013

Թուրքիայում բախումները շարունակվում են. կան վիրավորներ

Նախօրեին Թաքսիմ հրապարակից ցուցարարներին հեռացրած և դիրքավորված ոստիկանական ուժերի և ցուցարարների միջև դարձյալ բախումներ են եղել երեկոյան և առավոտյան:

«CNNTurk» լրատվական ծառայության հաղորդմամբ` առավոտյան ցուցարարների նետած քարերին, փայտերին ու շշերին ոստիկանները հակադարձել են ջրաշիթերով և արտասվաբեր գազով: Ցուցարարների մի մասը վանկարկել է քրդերի առաջնորդ Աբդուլլահ Օջալանին փառաբանող կարգախոսներ: Ցուցարարները հրդեհել են Թաքսիմում տեղակայված GSM-ի բջջային օպերատորի շարժական կայանը:

Բախումների ընթացքում 13 քաղաքացի մարմնական վնասվածքներ են ստացել և հոսպիտալացվել: Ոստիկանները մուտք են գործել Գեզի պուրակ, մաքրել տարածքը բարիկադներից ու վրաններից և նորից հետ քաշվել դեպի Թաքսիմ հրապարակ:

Ընդդիմադիր «Ժողովրդահանրապետական կուսակցության»մի քանի պատգամավորներ զորակցություն են հայտնել հանրահավաքի մասնակցիներին և Գեզի զբոսայգում զրուցել նրանց հետ: Նրանք ցուցարարներին ասել են, որ վարչապետ Էրդողանը դեռ շատ բան ունի սովորելու «ժողովրդավարություն» և «ազատություն» հասկացություններից ու պետք է ներողություն խնդրի ցուցարարներից:

Ստամբուլի նահանգապետ Հուսեին Ավնին էլ «Twitter» միկրոբլոգում գրառում է կատարել և քաղաքացիներին խնդրել հարձակում չգործել ոստիկանների վրա ու առիթ չտալ մարգինալ ուժերին ավելի սրելու իրավիճակը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: