Թուրք փաստաբաններ. «Աշխարհում ամենամեծ արդարադատության պալատը սարքեցին, բայց արդարություն հաստատել չկարողացան»

Տարածաշրջան11:46, 12 Հունիս 2013

Թուրք փաստաբաններ. «Աշխարհում ամենամեծ արդարադատության պալատը սարքեցին, բայց արդարություն հաստատել չկարողացան»

Ինչպես տեղեկացնում է թուրքական «Հյուրրիյեթ» օրաթերթը, երեկ Ստամբուլի Չաղլայան շրջանի ընդհանուր իրավասության դատարանից բերման են ենթարկվել մոտ 50 փաստաբաններ, որոնք աջակցում են Գեզի զբոսայգու համար պայքարող ցուցարարներին: Փաստաբանների մասսայական ձերբակալումն առաջացրել է Թուրքիայի փաստաբանական պալատների զայրույթը:
Այսօր մոտ 3.000 թուրք փաստաբաններ դուրս են եկել փողոց` պահանջելով ազատ արձակել իրենց ձերբակալված գործընկերներին:

Անկարայի փաստաբանների պալատի կողմից արված հայտարարության մեջ ասվում է .«Այս քայլը մենք համարում ենք բոլորիս դեմ ուղղված: Մենք ոտքի են կանգնում: Թող իմանան, որ չենք համակերպվելու սրա հետ: Մինչև այսօր չենք լռել, այսօր էլ չենք լռի: Հասարակական խաղաղությունը վտանգի տակ է: Վտանգի տակ է նաև մեր մասնագիտությունը, մեր գնահատված լինելու իրավունքը: Աշխարհի ամենամեծ արդարադատության պալատը սարքեցին, բայց արդարադատություն չկարողացան հաստատել:» :
Թուրքիայի փաստաբանների պալատների միության նախագահ Մեթին Ֆեյզիօղլուն, քննադատելով տեղի ունեցածը, ասել է, որ իրենք հետամուտ կլինեն հարցի լուծմանը:

«Հունիսի 11-ին Ստամբուլում մեր 50 գործընկերներին հատուկ ջոկատայինները քաշքշելով, շորերը պատառոտելով, ծեծի ենթարկելով, ձեռքներին ձեռնաշղթա հագցնելով, Չաղլայանի դատարանի շենքից դուրս են բերել, նստեցրել ավտոբուսներ ու տեղափոխվել ոստիկանական բաժանմունք: Մեր գործընկերները Գեզի զբոսայգու դեպքերի ընթացքում ոստիկանության կողմից ուժի կիրառման դեմ բողոքում էին և կոչ անում դատախազներին` մեղավորներին պատասխանատվության ենթարկել»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: