Եվրոպական խորհրդարանի այսօրվա նիստի օրակարգում Թուրքիան էր

Տարածաշրջան18:57, 12 Հունիս 2013

Եվրոպական խորհրդարանի այսօրվա նիստի օրակարգում Թուրքիան էր

Այսօր Եվրոպական խորհրդարանում Թուրքիայում տիրող իրավիճակը խորագրով գումարված նիստի ժամանակ քննարկման է առնվել Թուրքիայում Գեզի զբոսայգու համար տեղի ունեցած բողոքի ակցիաները և դրանց հաջորդած զարգացումները: Նիստի ընթացքում քաղաքական խմբակցությունները ներկայացրել են նշյալ դեպքերի վերաբերյալ իրենց մոտեցումները:

Թուրքական «Հյուրիյեթ» թերթի տեղեկացմամբ նիստի սկզբում խոսք վերցրած ԵԽ սոցիալիստական խմբակցության ղեկավար Հանս Սվոբոդան Թուրքիայի վարչապետ Ռեջեփ Թայիփ Էրդողանի «Այս Էրդողանը չի փոխվի» խոսքերին կոշտ պատասխան է տվել ասելով. «Դա (Էրդողանի ասածը) սպառնալիք է:

Եթե հարգելի Էրդողանը չի ուզում Թուրքիան հեռացնել Եվրոպական արժեքներից, ապա պետք է փոխվի»:

Այնուհետև Սվոբոդան, շարունակելով միտքը, ասել է. «Խորքային պետության կառույցների դեմ վարչապետ Էրդողանի պայքարը պետք է գնահատել, սակայն ցույցերի ժամանակ և՛ համազգեստով, և՛ քաղաքացիական ոստիկաններ կային: Ստացվում է, որ խորքային պետությունը դեռ այնտեղ է և խորքային պետություն հենց վարչապետն է կիրառում:

Այդքան մեծ քանակությամբ լրագրողների բանտերում գտնվելը ժողովրդավարության հետ որևէ կապ չունի: Եթե Էրդողանը ուզում է արաբական երկրների համար մոդել դառնալ ապա ստիպված է փոխվել: Թուրքիան այս վիճակով Եվրոմիությունում տեղ չունի»:

ԵՄ ընդլայնման և եվրոպական հարևանության քաղաքականության հարցերով հանձնակատար Շտեֆան Ֆյուլեն ասել է. «Թուրքիայի ԵՄ անդամակցության գործընթացի մեջ ճգնաժամային իրավիճակում ենք հայտնվել: Ժողովրդավարությունը միայն ընտրություններով չի սահմանափակվում: Անցյալ շաբաթ Թաքսիմում տեսածս մարդիկ ավազակներ չէին»:

Եվրոպայի Լիբերալների և դեմոկրատների դաշինքի խմբակցության ներկայացուցիչն էլ իր ելույթում մասնավորապես ասել է. «Թուրքիան լրագրողների ամենամեծ բանտն է: Այս առումով Ռուսաստանում Պուտինին տեսանք, Հունգարիայում` Ուրբանին, այժմ էլ Թուրքիայում Էրդողանին ենք տեսնում: Այնուամենայնիվ մենք, որպես խմբակցություն, պաշտպանում ենք Թուրքիայի ԵՄ անդամակցությունը, սակայն ոչ Եվրոմիության սկզբունքներին մեջքով շրջված Թուրքիայի»:

Վաղը Եվրոպական խորհրդարանը Թուրքիայում տեղի ունեցող զարգացումների վերաբերյալ բանաձև է դնելու քվեարկության:

«Հյուրիըեթը», հղում անելով թուրքական «Դողան» լրատվական գործակալությանը, գրում է, որ բանաձևի տեքստում Թուրքիայի նախագահ Աբդուլլահ Գյուլի հասցեին տեղ գտած գովասանքի խոսքերին հակառակ` վարչապետ էրդողանին ուղղված քննադատական խոսքեր են տեղ գտել:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: