Միջադեպ թուրք-սիրիական սահմանին

Տարածաշրջան16:27, 10 Հունիս 2013

Միջադեպ թուրք-սիրիական սահմանին

Թուրքական «Աքշամ» էլեկտրոնային լրատվականի հաղորդմամբ` հունիսի 8-ին թուրք-սիրիական սահմանի մոտակայքում տեղի ունեցած միջադեպի ընթացքում 5 թուրք զինծառայող է վիրավորվել:

Թերթը, վկայակոչելով Թուրքիայի ԶՈՒ գլխավոր շտաբի տարածած հայտարարությունը, գրում է, որ միջադեպը տեղի է ունեցել այն բանից հետո, երբ Սիրիայի սահմանի մոտ գտնվող Քըյըգյորեն սահմանակետի շրջանում մեկ զրահապատ մեքենայի և մեկ ճանապարհային ստուգման շարժական կայանի միջոցով ծառայություն իրականացնող 6 հոգանոց անձնակազմի կողմից նկատվել են մազութի տարաները միկրոավտոբուսի մեջ բեռնավորող անձանց: Մաքսանենգները սահմանապահներին նկատելով` մազութով բեռնված մեքենայով արագ հեռացել են: Սահմանապահների անձնակազմն էլ շարժական կայան-մեքենայով շարժվել է նրանց ետևից: Սակայն հասնելով մոտակա գյուղի տարածք, որտեղ ավելի վաղ հասել էին մաքսանենգները, քարերի տարափի տակ են հայտնվել վերջիններիս և նրանց միացած մոտ 20 հոգանոց խմբի կողմից:

Արդյունքում թեթև մարմնական վնասվածք է 1 ենթասպա և 4 շարքային զինծառայող:

Հաղորդվում է, որ նրանք հիվանդանոց են տեղափոխվել և ստանալով անհրաժեշտ բուժօգնություն` դուրս գրվել:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: