Հենրիկ Մխիթարյանի մարզիչը մերժել է թուրքական «Ֆեներբահչե»-ին

Մարզական11:53, 10 Հունիս 2013

Հենրիկ Մխիթարյանի մարզիչը մերժել է թուրքական «Ֆեներբահչե»-ին

Թուրքական «Ֆեներբահչե» ֆուտբոլային ակումբը շարունակում է գլխավոր մարզչի փնտրտուքները: Հնարավոր թեկնածուներից է նաև ուկրաինական «Շախտյոր»-ի գլխավոր մարզիչ Միրչա Լուչեսկուն:

Թուրքական «Զաման» օրաթերթը տեղեկացնում է, որ ռումինացի մարզիչը հեռուստահաղորդման ժամանակ հայտարարել է, որ ինքը ներկայիս ակումբի հետ գործող պայամանգիրը երկարաձգել է ևս 2 տարի և ցանկություն է հայտնել շարունակել իր աշխատանքը Դոնեցկի «Շախտյոր»-ում: Իսկ այն դիտարկմանը, ըստ որի, ռումինացի մասնագետի «Ֆեներբահչե» տեղափոխության դեպքում թուրքական ակումբը կվճարի պայամնագրով նախատեսված փոխհատուցումը, Լուչեսկուն պատասխանել է.

«Այդ հարցը քննարկելն իմ խնդիրը չէ: Լրագրողների և հեռուստաընկերությունների կողմից այն արծարծելը ևս ճիշտ չեմ համարի: Ես որոշում եմ կայացրել աշխատանքս շարունակել Դոնեցկում: Նմանատիպ հարցերի քննարկումը ո՛չ իմ, ո՛չ էլ «Ֆեներբահչե»-ի համար օգտակար չէ: Դեռ երկու տարի ժամկետով պայմանագիր ունեմ, և այն պետք է ավարտեմ»:

Հիշեցնենք որ, Միրչա Լուչեսկու գլխավորած դոնեցկյան ակումբում հանդես է գալիս մեր հայրենակից Հենրիկ Մխիթարյանը: Վերջինս Ուկրանիայի ավարտված առաջնությունում հեղիակելով 25 գոլ՝ դարձավ Ուկրանիայի պրիմեր լիգայի բոլոր ժամանակների լավագույն ռմբարկուն:

Ermenihaber.am