Փոխոստիկանապետը ցուցարարին. «Իմ աշխատավարձից քո վճարածը վերցրու՛ և ցրվի՛ր»

Տարածաշրջան07:51, 07 Հունիս 2013

Փոխոստիկանապետը ցուցարարին. «Իմ աշխատավարձից քո վճարածը վերցրու՛ և ցրվի՛ր»

Երեկ երեկոյան Թուրքիայի Ադանա քաղաքի Աթաթուրքի անվան զբոսայգում հավաքված մոտ հարյուր քաղաքացիներ փորձել են Աթաթուրքի պողոտայից քայլերթ կատարել դեպի կառավարող Արդարություն և զարգացում կուսակցության Ադանայի տարածքային գրասենյակի շենք: Ոստիկանները, փակելով դեպի ԱԶԿ-ի գրասենյակ շարժվող ցուցարարների ճանապարհը, պահանջել են ցրվել, սակայն վերջիններս չեն կատարել ոստիկանների պահանջը: Այդ ժամանակ Ադանայի փոխոստիկանապետ Իսմաիլ Բիլգինը մոտեցել է ցուցարարների խմբին՝ նրանց հետ ցրվելու նպատակով բանակցություն վարելու համար:

Փոխոստիկանապետի մոտենալուն պես ցուցարարներից մեկը բացականչել է. «Ձեր աշխատավարձը մենք ենք տալիս»: Փոխվոստիկանապետը, որպես պատասխան, գրպանից հանելով հիսուն լիրա մեկնել է ցուցարարին ու ասել. «Իմ աշխատավարձից քո վճարածը վերցրու՛ և ցրվի՛ր»:

Ցուցարարը նախ վերցրել է գումարը, այնուհետև տեսնելով, որ լրագրողները տեսագրում են կատարվածը, նետել է այն:

Ոստիկանները ցուցարարների հետ համաձայնության չգալուց հետո, ջրցան մեքենաներ կիրառել և ցրել բողոքի ակցիան:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: