Թուրք պատգամավոր. «Եթե Էրդողանը դիկտատոր լիներ Թաքսիմը կլիներ Դերսիմ»

Տարածաշրջան08:04, 07 Հունիս 2013

Թուրք պատգամավոր. «Եթե Էրդողանը դիկտատոր լիներ Թաքսիմը կլիներ Դերսիմ»

Թուրքիայում բռնկված քաղաքացիական անհնազանդության, խռովությունների ու բախումների համար բազմաթիվ մեղադրանքներ են հնչում իշխող «Արդարություն և զարգացում» (ԱԶԿ-AKP) կուսակցության, մասնավորապես կուսակցության և կառավարության ղեկավար Ռեջեփ Թայիփ Էրդողանի հասցեին:

Իշխանական կուսակցության պատգամավոր Շամլի Թայյարը «Twitter»-ում գրառում է կատարել` ի պաշտպանություն վարչապետ Էրդողանի: Թուրք պատգամավորն անդրադարձել է քաղաքացիների այն մեղադրանքներին, ըստ որոնց, Էրդողանը դիկտատորի վարքագիծ է դրսևորում:

«Կարող եք քննադատել, բայց իմացեք, որ եթե Էրդողանը դիկտատոր լիներ, ապա Թաքսիմը Դերսիմ կլիներ, իսկ դուք էլ տապանաքարի կարոտ կգնայիք այս աշխարհից: Էրդողանին դիկտատոր ասելիս, պետք է հիշել Դերսիմի կոտորածները կատարողներին, դրանց ընդունողներին և ազատորեն ամեն տեղ թալան արողներին»,- գրել է թուրք պատգամավորը:

Նշենք, որ 1937-1938թթ. Դերսիմի ապստամբությունը թուրքական իշխանությունները խեղդեցին զանգվածային կոտորածների միջոցով` ոչնչացնելով բազմաթիվ գյուղեր: Տարբեր աղբյուրների համաձայն` Դերսիմի սպանդին զոհ է գնացել շուրջ 100.000 հոգի։ Հայոց ցեղասպանությունից փրկված և Դերսիմի տարբեր գյուղերում ապաստանած հազարավոր հայեր այդ տարիների կրկնակի ցեղասպանության ենթարկվեցին։

Հիշեցնենք, որ մայիսի 28-ից Թուրքիայում սկսված զանգվածային բողոքի ցույցերի պատճառն իշխանությունների քաղաքաշինական նոր ծրագիրն է, ըստ որի, Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկ ծառերը` հատվեին: Զբոսայգու ոչնչացմանն ու ծառահատմանն ընդդիմացած ցուցարարների դեմ թուրքական ոստիկանությունը բիրտ ուժ է կիրառել` օգտագործելով արտասվաբեր գազ, ջրցան մեքենաներ, պլաստիկ փամփուշտներ և հատուկջոկատայիններ: Հետևանքը եղավ այն, որ բնապահպանական բնույթի ցույցերն աստիճանաբար վերածվեցին հակառավարական ակցիաների և ընդգրկեցին Թուրքիայի տասնյակ քաղաքներ: Վերջին տվյալների համաձայն` կան հարյուրավոր ձերբակալվածներ, վիրավորներ և 4 զոհ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: