Թուրքիան անհանգստացած է, որ «Գազպրոմ»-ը զեղչ չի նախատեսում

Տնտեսական07:13, 05 Հունիս 2013

Թուրքիան անհանգստացած է, որ «Գազպրոմ»-ը զեղչ չի նախատեսում

Ռուսական «Գազպրոմ» ընկերության փոխնախագահ Ալեքսանդր Մեդվեդևը հայտարարել է, որ քննարկումներ են ծավալվելու եվրոպական երկրներին վաճառվող ռուսական գազի սակագինն իջեցնելու ուղղությամբ: Ենթադրվում է, որ սպառող երկրները 1000խմ գազի դիմաց կվճարեն 370-380 դոլար:

Այս մասին տեղեկացնող թուրքական «Հաբերթուրք» լրատվականը հայտնում է, որ դա անհանգստություն է առաջացրել Թուրքիայում, քանի որ վերջինիս համար սահմանված սակագինը չի ենթարկվելու փոփոխության:

«Մինչդեռ Թուրքիան կարիք ունի, որ Ռուսաստանը որոշակի զեղչի ենթարկի իրեն վաճառվող գազի սակագինը»,- նկատել է տալիս «Հաբերթուրք»-ը:

Ներկայումս Թուրքիան բնական գազ է գնում Ռուսաստանից, Իրանի Իսլամական Հանրապետությունից և Ադրբեջանից: Ռուսական գազի սակագինը 425-430 դոլար է 1000խմ-ի համար: Ամենաբարձր սակագնով կապույտ վառելիքը Թուրքիան գնում է Իրանից` 1000խմ-ի համար 500 դոլար: Իսկ ադրբեջանական գազը թուրքերին վաճառվում է 349 դոլար սակագնով:

Ermenihaber.am

Այս ենթաբաժնի վերջին նորությունները

11:46, 07 մայ

Թուրքական ընկերությունը Եվրոպայում 1 մլրդ դոլարի ներդրումային ծրագիր է շահել

«Gülermak» կապալառու ընկերությունը վերջին 4 ամսում հաղթել է Սերբիայում և Լեհաստանում մի շարք շինաշխատանքների տենդեռներ:

14:36, 06 մայ

Թուրքիան հիդրոէլեկտրակայանների հզորությամբ աշխարհում 9-րդն է

Սան Ֆրանցիսկոյում գործող «Global Energy Monitor» կազմակերպությունը հրապարակել է այն երկրների ցանկը, որոնք ունեն աշխարհի հզորագույն հիդրոէլեկտրակայանները։