Զբոսաշրջիկները լքում են Թուրքիան, հյուրանոցներում չեղյալ են հայտարարվում ամրագրումները

Տարածաշրջան08:01, 04 Հունիս 2013

Զբոսաշրջիկները լքում են Թուրքիան, հյուրանոցներում չեղյալ են հայտարարվում ամրագրումները

Թուրքական «Հյուրրիյեթ» օրաթերթի համաձայն` Թուրքիայում Գեզի զբոսայգու պահպանման համար շարունակվող զանգվածային բողոքի ցույցերը հարվածի տակ են առել զբոսաշրջության ոլորտը: Քաղաքացիական անհնազանդության ակտերի և բախումների պատճառով մեծ թվով զբոսաշրջիկներ, հատկապես Ստամբուլի Թաքսիմ հրապարակումգտնվող հյուրանոցներից հեռացել են: Թուրքիայի հյուրանոցային բիզնեսի, ձեռներեցների և ներդրողներ ասոցացիայի նախագահ Թիմուր Բայընդըրն ասել է, որ արդեն մեկ շաբաթ շարունակվող զանգվածային անկարգությունները զբոսաշրջիկների շրջանում մեծ անհանգստություն են առաջացրել:

«Զբոսաշրջիկները զանգավածաբար լքում են հյուրանոցները: Խոշոր հյուրանոցներում այցելուների 30 տոկոսը չեղյալ է հայտարարել ամրագրումները»,-ասել է նա:

Թուրքիայի հյուրանոցային բիզնեսով զբաղվողների ֆեդերացիայի նախագահ Օսման Այըքն էլ նշել է, որ Գեզի զբոսայգու դեպքերը կարող են բացասական ազդեցություն ունենալ նաև Անթալիայի զբոսաշրջության վրա:

Ըստ աղբյուրի` Թուրքիայում հետաձգվել են մի շարք այնպիսի մշակութային խոշոր միջոցառումներ, ինչպիսիք են Ստամբուլի 41-րդ Երաժշտական փառատոնը և «Ankara Shopping Fest»-ը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: