ERMENI HABER AJANSI

Թուրքիայում Գեզի զբոսայգու պահպանության համար բողոքները դեռ շարունակվում են:
Թուրքական «Հաբեր ա» լրատվական կայքի փոխանցմամբ` Անակարայում ցուցարարները  շարժվել են դեպի կառավարության շենք, ինչին միջամտել են իրավապահ մարմինները: Ցուցարաներին փորձել են ցրել ջրցան մեքենաներով և արցունքաբեր գազով:

Սոցցանցերում տեղեկատվություն էր տարածվել, որ Անկարայում ոստիկանությունը ցուցարների վրա իրական փանփուշտներով կրակ է բացել: Սակայն Անկարայի առողջապահության նահանգային վարչությունը հերքել է` հայտարարության մեջ նշելով, որ փամփուշտից վիրավորված  անձինք հիվանդանոցներում չկան:

Անկարայում ոստիկանությունը ձերբակալել է շուրջ 200 ցուցարարի:
Վերջին օրվա ցուցերը անհանգիստ են անցել նաև Իզմիրում: Ցուցարարները հարձակվել են  Իզմիրում գտնվող իշխող կուսակցության շենքի վրա` հրդեհելով այն: Նշվում է, որ շենքը  այլևս շահագործման ենթակա չէ:

Տեղեկացնենք, որ մայիսի 28-ից սկսված բողոքի ելույթները ուղղված են Ստամբուլի Գեզի զբոսայգու պահպանությանը, որը կառավարության որոշմամբ պետք է ապամոնտժվի:
Նշվում է, որ ցույցերի և բախումների հետևանքով պետությունը մեծ վնասներ է կրել:
Վարչապետ Էրդողանը ներկայացնելով հունիսի 1-ից մինչև հուլիսի 2-ի ժամը 11-ի դրությամբ առկա վասների չափերը, նշել էր, որ 24 ժամվա ընթացքում 89 ոստիականկան, 42 սեփական մեքենա, 4 ավտոբուս, 4 սեփական կառույց, 94 աշխատանքային գրասենյակ, 1 ոստիականական տեղամաս, կանգառներ քանդվել են, այրվել, ավերվել:

Ermenihaber.am