Թուրքիայում իրադրությունը շարունակում է մնալ լարված

Տարածաշրջան13:23, 03 Հունիս 2013

Թուրքիայում իրադրությունը շարունակում է մնալ լարված

Ստամբուլի Գեզի զբոսայգում ծառեր հատելու և տեղում առևտրի կենտրոն կառուցելու ծրագիրը դժգոհության ալիք է բարձրացրել թուրք հասարակությունում: Ցույցերը ցրելու համար ոստիկանությունը դիմել է արցունքաբեր գազի և ջրցան մեքենաների օգնությանը: Երկրում դեռ շարունակում է իրավիճակը լարված մնալ:

Ստամբուլում ծագած ընդվզումը լայն տարածում է ստացել նաև երկրի այլ քաղաքներում: Իրադարձություններին արձագանք են տվել նաև թուրքական ընդդիմադիր քաղաքական կուսակցությունները: Այսպես, թուրքական «Ազգայնական շարժում կուսակցությունը» (ԱՇԿ-MHP) ցուցարարներին աջակցություն է ցուցաբերել: Կուսակցության մոտ 500 անդամներից բաղկացած խումբը կուսակցության փոխնախագահի՝ Ջելալ Ադանի գլխավորությամբ այցելել է Թաքսիմի հրապարակ: Այնտեղ են գտնվել նաև փոխնախագահ Աթիլա Քայան և կուսակցության Ստամբուլի մասնաճյուղի նախագահ Աբդուրահման Բաշքանը:

Իսկ «Ժողովրդահանրապետական կուսակցությունից» (ԺՀԿ-CHP) Հուսեյին Այգունը և Սուլեյման Չելեբին հայտնել են, որ Իստիքլալ (հաղթանակի) պողոտայով դեպի Թաքսիմի հրապարակ երթ անցկացնելու ժամանակ իրենք հանդիպել են ոստիկանության արգելքներին: Վերջիններս արցունքաբեր գազի և ջրցան մեքենաների միջոցով ցրել են հավաքվածներին:

Թուրքիայի Անտառային և ջրային պաշարների նախարար Վեյսել Էրողլուն ևս Գեզի զբոսայգում տեղի ունեցած իրադարձությունների վերաբերյալ հայտարարությամբ է հանդես եկել: Նրա պնդմամբ` հասարակությունը այնքան էլ լավատեղյակ չէ իրականացվող ծրագրերին: Ավելին, Թաքսիմում դեռ շարունակվում են զբոսայգու ընդլայման ծրագիրը: Այնտեղ որևէ առևտրային կենտրոնի կառուցման մասին խոսք չի եղել: Նա նշեց, որ Ստամբուլի քաղաքապետը հայտարարությամբ է հանդես եկել, որի համաձայն, խիտ երթևեկության պատճառով ցանկություն է եղել նաև ստորգետնյա ճանապարհներ կառուցել: Ստամբուլում Գեզի զբոսայգու դեպքերի առնչությամբ ցուցեր են եղել նաև այլ քաղաքներում: Քոջաելիում տեղի ունեցած ցույցի ընթացքում ձերբակալավել է 6 մարդ, Իզմիրում՝ 10 մարդ, Մուղլայում՝ 40 մարդ, Աֆյոնքարահիսայում՝ 21 մարդ: Թուրքայի մայրաքաղաք Անկարայում ևս զանգվածային բողոքի միջացառումներ են անցկացվում:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: