Էրդողանը Թուրքիայում տեղի ունեցող զանգվածային ցույցերի համար մեղադրել է ծայրահեղական ուժերին

Տարածաշրջան12:05, 03 Հունիս 2013

Էրդողանը Թուրքիայում տեղի ունեցող զանգվածային ցույցերի համար մեղադրել է ծայրահեղական ուժերին

Թուրքիայի վարչապետ Ռեջեփ Թայիփ Էրդողանը աֆրիկյան երկրներ կատարելիք այցից առաջ այսօր Ստամբուլում Աթաթուրքի անվան օդանավակայանում լրագրողների հետ ճեպազրույց է ունեցել: Հայտնում է «Անադոլու» լրատվական գործակալությունը:

Վարչապետը, անդրադառնալով վերջին օրերին Թուրքիայում տեղի ունեցող իրադարձություններին ասել է, որ դրանք ծայրահեղական շրջանակների կողմից կազմակերպված գործողություններ են:

«Այս իրադարձությունները, նրանց ձեռքի գործն են, որոնք ընտրությունների ընթացքում «Արդարություն և զարգացում» կուսակցությանը(ԱԶԿ-AKP) հաղթել չկարողացան և նրանց չհաժողվեց ԱԶԿ-ին հանել ժողովրդավարական ուղուց: Նրանք թող իմանան, որ 10 ամիս անց նորից ընտրություններ են, և այդ ժամանակ ազգս արժանի պատասխանը կտա: Եթե մենք իսկապես որևէ հակաժողովրդավարական գործողություն անենք, ազգը մեզանից երես կթեքի: Սակայն այս ամենի համար հող նախապատրաստողները թող իմանան , որ տիրող իրավիճակի համար ժողովուրդը նրանց անհրաժեշտ պատասխանը տալու է,-ասել է Թուրքիայի վարչապետը:
Էրդողանը նաև նշել է, որ այս իրադարձություններում մեծ է ընդդիմադիր «Ժողովրդահանրապետական կուսակցության» (ԺՀԿ-CHP) դերը:

Նշենք, որ արդեն 7-րդ օրն է, որ Թուրքիայի բազմաթիվ քաղաքներում տեղի են բողոքի ցույցեր` ընդդեմ Ստամբուլի Գեզի զբոսայգու ապամոնտաժումը ենթադրող կառավարության նոր քաղաքաշինական ծրագրի: Ցուցարարների և իրավապահ մարմինների միջև տեղի են ունենում արյունալի բախումներ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: