ԺՀԿ-ի զեկույցը Թուրքիայում բանտարկված լրագրողների մասին

Տարածաշրջան12:50, 28 Մայիս 2013

ԺՀԿ-ի զեկույցը Թուրքիայում բանտարկված լրագրողների մասին

Թուրքական հիմնական ընդիմադիր կուսակցության` Ժողովրդահանրապետական կուսակցության Մեկուսարաններն հետևող և ուսումնասիրող հանձնաժողովի Մալաթիայից Մանիսայից և Մուղլայից ընտրված պատգամավորներ Վելի Աղբաբայի, Օզգուր Օզելի և Նուրեթթին Դեմիրի կողմից պատրաստվել է բանտարկված լրագրողների մասին զեկույց, որը հրապարակվելու է «Բանտարկված լրագրողների մասին զեկույց. Թուրքիան լրագրողների` աշխարհի ամենամեծ բանտ» խորագրով:

Թուրքական «Բիանեթ» էլեկտրոնային լրատվական կայքի փոխանցմամբ` առաջիկա 2 շաբաթվա ընթացքում հրապարակվելիք զեկույցում նշվում է, որ եթե 2012 թվականի սեպտեմբերի 12-ի դրությամբ բանտարկված լրագրողների թիվը կազմում էր 31, ապա այս տարի նրանց թիվը հասել է 71-ի: Հանձնաժողովը շրջել է բանտերով և պարզել, որ բանտարկված լրագրողների 2/3-ը դատապարտված է ՔԲԿ-ի (Քուրդիստանի բանվորական կուսակցություն), ՔՀՄ (Քրդստանի համայնքների միություն) ու դրանց հետ կապված կազմակերպությունների անդամ լինելու մեղադրանքով:

Զեկույցում ուշադրություն է դարձվում 23 բանտարկված լրագրողների առողջական խնդիրների վրա, ինչպես նաև կատարվում են առաջարկություններ ահաբեկչության դեմ պայքարի և Թուրքիայի քրեական օրենսգրքի մեջ կատարվելիք փոփոխությունների վերաբերյալ:

Հաղորդվում է նաև, որ զեկույցը թարգմանվելու է անգլերեն և ուղարկվելու է Եվրոմիության ու Եվրախորհրդարանին, այնպես էլ տեղական հասարակական ու իրավապաշտպան կազմակերպություններին:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: