Գտնվել է Քիմ Քարդաշյանի թուրք զարմիկը

Հասարակական08:03, 28 Մայիս 2013

Գտնվել է Քիմ Քարդաշյանի թուրք զարմիկը

Թուրքական «Վաթան» թերթը գրում է, որ անգլիական «The Sun»-ը Կարսի Քարաքալե գյուղում գտել է Քիմ Քարդաշյանի զարմիկին:
Մուհամմեր Չոփուրը, ով գյուղում փոքր խանութ ունի, ապրում է մոր և հինգ եղբայրների հետ: Չոփուրը գյուղի բնակչության հաշվառումները ուսումնասիրել է և տեղեկացել, որ Քիմ Քարդաշյանի և իր տատիկը քույրեր են եղել: Չոփուրը հույս ունի, որ այս տեղեկության ի հայտ գալուց հետո Քիմ Քարդաշյանը իրեն ԱՄՆ-ը կհրավիրի: Չոփուրը միակ ցանկությունը Քիմի հետ մեկ բաժակ թեյ խմելն է:

«Վաթանը», հղում տալով «The Sun»-ին, ներկայացրել էՔարդաշյան ընտանիքի` Քարաքալեից դեպի ԱՄՆ անցած ուղին: Քարդաշյանները 1915 թվականից առաջ հեռացել էին գյուղից: Սամ և Հոռոմ Քարդաշոֆները որդիների` Թաթոսի և նրա եղբայրների հետ մեկնել էին ԱՄՆ: ԱՄՆ-ում Թոմ անունը վերցրած Թաթոսը աղբահանությամբ է զբաղվում, ամուսնանում է համագյուղացի Համան Շաքարյանի հետ: Զույգի որդին` Արթուրը(Քիմ Քարդաշյանի պապիկը) կնոջ հետ մեծ ընկերություն է ստեղծում: Արթուրի որդին` Ռոբերտը(Քիմ Քարդաշյանի հայրը), դառնում է հայտնի փաստաբան, որը մահանում է 2003 թվականին քաղցկեղից: Ռոբերտի և ամերիկուհի Քրիսի երեխաները դառնում են ամերիկյան շոու-բիզնեսի հայտնի դեմքեր:

Ermenihaber.am