Էրդողանը հանդիպել է ԵՄ նախագահ Ռոմպեյի հետ

Քաղաքական09:46, 24 Մայիս 2013

Էրդողանը հանդիպել է ԵՄ նախագահ Ռոմպեյի հետ

Թուրքիայի կառավարության պաշտոնական կայքի փոխանցմամբ` Թուրքիայի վարչապետ Ռեջեփ Թայիփ Էրդողանը հանդիպել է պաշտոնական այցով առաջին անգամ Թուրքիա այցելած Եվրամիության(ԵՄ) նախագահ Հերման վան Ռոմպեյի հետ: Հանդիպումից հետո տեղի է ունեցել համատեղ մամուլի ասուլիս:

Էրդողանը տեղեկացրել է, որ հանդիպման ընթացքում քննարկվել են Թուրքիայի ԵՄ անդամակցության համար կատարված և կատարվելիք քայլերը:
Էրդողանը, ընդգծելով Թուրքիայի` ԵՄ-ի և 1.5 միլիարդ մուսուլմանական աշխարհի միջև կամուրջ լինելու յուրահատկությունը, ասել է. «Մեկ այլ առանձնահատկություն էլ կա. այս պահին 5 միլիոնից ավել թուրք կա Եվրոպայում, այս տեսանկյունից էլ ԵՄ-ում արդեն իսկ մի Թուրքիա կա»:
Անդրադառնալով Թուրքիայի տնտեսական զարգացմանը` նշել է, որ Թուրքիան 10 տարի առաջ Արժույթի միջազգային հիմնադրամին պարտք է եղել 23,5 միլիարդ դոլար, որն այժմ ամբողջովին զրոյացված է:
«Թուրքիան ոչ թե բեռ լինելու, այլ բեռ վերցնելու է գալիս: Այսպիսի առանձնահատկություն ունի»,- ասել է Էրդողանը:

Հերման վան Ռոմպեյը, իր հերթին հույս հայտնելով, որ մոտ ապագայում էրդողանը Բրյուսել կայցելի, նշել է, որ 2004 թվականից ի վեր Թուրքիան ԵՄ ժողովներին չի հրավիրվում: «Այսպես թե այնպես, 2004 թվականից շարունակվող այս որոշումը պետք է փոխենք»,- ընդգծել է Ռոմպեյը:

Ermenihaber.am

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։