Ռադիքալ. «Նիշանյանին բանտարկելը հակասում է եվրադատարանի որոշումներին»

Իրավական08:58, 23 Մայիս 2013

Ռադիքալ. «Նիշանյանին բանտարկելը հակասում է եվրադատարանի որոշումներին»

Թուրքական «Ռադիքալ» թերթում հրապարակվել է Էյուփ Ջանի` պոլսահայ գրող, հրապարակախոս, լեզվաբան Սևան Նիշանյանի 13.5 ամիս բանտարկության վերաբերյալ հոդվածը:
Հոդվածագիրը նշել է, որ ինչպես Նիշանյանի խոսքերը և խոսքի ազատության նկատմամբ իր դիրքորոշումը, այնպես էլ 13.5 ամսվա բանտարկության վճիռը վիճահարույց են:

«Նիշանյանը իր բլոգում ատելություն պարունակող արտահայտության և խոսքի ազատության սահմանները պարզելու նպատակով մի հոդված է հրապարակում, որտեղ ատելության արտահայտության համար որպես օրինակ բերվում է «փոքրամասնություն-մեծամասնություն» չափանիշը:

Ֆրանսիայում ֆրանսիացիների նկատմամբ ատելություն պարունակող արտահայտություններ չի կարելի անել, քանի որ նրանք առանց այդ էլ մեծամասնություն են, իսկ Ֆրանսիայում հրեաների և արաբներին վիրավորել կարելի է, քանի որ նրանք փոքրամասնություն են և ատելություն պարունակող հանցանքի հնարավոր թիրախ են:
Նիշանյանը ի պաշտպանություն այս տեսակետի գրել է. «Սրանից հարյուրավոր տարիներ առաջ Ալլահի հետ կապ հաստատլու մասին հավաստիացրած և դրանից քաղաքական, տնտեսական օգուտ ապահոված արաբ առաջնորդին ծաղրելը ատելություն պարունակող հանցանք չէ»:

Նիշանյանի տեսակետը հետևյալն է. «Թուրքիայում մեծամասնությունը մուսուլման է, հետևաբար մուսուլմանների մարգարեին ծաղրելն ատելության հանցանք չէ»: Ինչպես Իսրայելում հրեաների դեպքում է: Սակայն, ըստ Նիշանյանի, եթե մուսուլմանների կամ հերաներին ծաղրում են մի երկրում, որտեղ նրանք գտնվում են սպառնալիքի տակ, ապա դա արդեն ատելություն պարունակող հանցանք է»:

Հոդվածագիր Էյուփ Ջանը, պատասխանելով Նիշանյանի առաջ քաշած դիտարկմանը, նշել է, որ չի կիսում վերջինիս կարծիքը և համարում է խնդրահարույց, քանի որ արտահայտության կամ էլ գործողության որակը բնակչության քանակի հետ չի փոխվում:

«Քրդերը փոքրամասնություն լինելով հանդերձ, թուրքերին չեն կարող ծաղրել, նույն կերպ նաև թուրքերը: Կամ էլ որպես փոքրամասնություն` կոթոլիկները բողոքականների, մուսումանները Իսրայելում հրեաների սրբությունների վրա չեն կարող և չպետք է հարձակվեն: Մուհամմեդ մարգարեի նկատմամբ Նիշանյանի խոսքերը համարում եմ ստորացուցիչ, անարդար և անգամ անխիղճ: Սակայն Նիշանյանին 13.5 ամիս ազատազրկելը չի համապասխանում ՄԻԵԴ-ի որոշմանը»,- գրում է Էյուփ Ջանը:

Ermenihaber.am

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։