Թուրքիայում առաջին անգամ քրդերեն լեզվով կրթություն ապահովող համալսարան է բացվելու

Տարածաշրջան17:00, 21 Մայիս 2013

Թուրքիայում առաջին անգամ քրդերեն լեզվով կրթություն ապահովող համալսարան է բացվելու

Թուրքական «Բիանեթ» էլեկտրոնային լրատվականի փոխանցմամբ Թուրքիայի Դիարբեքիր քաղաքում առաջին անգամ քրդերեն լեզվով կրթություն ապահովող համալսարան է բացվելու:

2011 թվականին ծնված այս մտահաղացման շուրջ հավաքվել են շուրջ 300 հիմնադիր անդամներ, որոնց շարքերում կան մարդու իրավունքների պաշտպաններ, ակադեմիկոսներ, բիզնեսմեններ, հասարակական կազմակերպությունների ներկայացուցիչներ և այլոք: Նրանք համալսարանի հիմնադրման համար նախ ստաղծել են «Միջագետք» հիմնադրամը: Համալսարանը, որը նախատեսվում է բացել 2015-2016թթ., նախատեսվում է հենց Միջագետք անունով անվանել: Հիմնադրամի գլխավոր քարտուղար Ռամազան Թունջն ասել է, որ ուսումնական գործընթացը նախատեսում են սկսել 3 լեզվով` քրդերեն, թուրքերեն և անգլերեն, սակայն ավելի ուշ նախատեսում են նաև հայերեն ու ասորերեն լեզուներով ևս ուսուցում ապահովել:

Թունջը, նշելով, որ Թուրքիայում առաջին անգամ բացվող քրդերեն ուսուցմամբ համալսարանը իսկապես պահանջված է, ասել է. «Սա կապահովվի քրդերենի լայնամասշտաբ ինտեգրումը գիտությանը: Թուրքիայում մայրենի լեզվի խոչընդոտները նաև այս համալսրանի միջոցով կհաղթահարենք»:

Նրա խոսքով համալսարանը ունենալու է միջազգային հավատարմագրում և չի սահմանափակվելու միայն տեղական մակարդակի պահանջները բավարարելով:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: