Տարածաշրջան08:08, 21 Մայիս 2013
ԱՄՆ պետքարտուղարության զեկույց. «Թուրքիայում ազգայնականությունն ու կրոնը սերտաճել են միմյանց մեջ»
ԱՄՆ պետքարտուղարությունը հրապարակել է կրոնական ազատության վերաբերյալ ամենամյա զեկույցը: Զեկույցի` Թուրքիային վերաբերող բաժնում նշվում է, որ չնայած ողջ տարվա ընթացքում Թուրքիայում կրոնական ազատությունների հանդեպ հարգանքը հիմնականում պահպանվել է, այնուամենայնիվ դեռևս առկա են որոշ օրենքներ և սահմանադրական դրույթներ, որոնք սահմանափակում են կրոնական փոքրամասնությունների իրավունքները:
Զեկույցում մասնավորապես նշվում է.
«Հունական, հայկական, ուղղափառ ասորական, բողոքական հայկական ու հրեական համայնքները, Օսմանյան ժամանակաշրջանում պաշտոնապես ճանաչված կրոնական խմբերի անդամները տեղեկացնում են, որ իրենց դավանանքի հարցում ազատությունը հիմնականում պահպանվում է: Բացի այդ կառավարությունը շարունակում է վերադարձնել փոքրամասնություններին և կրոնական հիմնադրամներին պատկանող սեփականությունները: Չնայած նրան, որ պետական հիմնարկներում և նախակրթակարաններում գլխաշորի արգելքը դեռ շարունակվում է, կառավարությունում, համալսարանններում և որոշ հիմնարկներում այս արգելքը չի գործում»:
Զեկույցում նաև նշվում է, որ որոշ կրոնական խմբեր կրթության, անշարժ գույքի առք ու վաճառքի և այլ բնագավառներում հանդիպում են սահմանափակումների, իսկ հասարակության մեջ կրոնական փոքրամասնությունների հանդեպ խտրականությունը դեռևս պահպանվում է: Քրիստոնյաները, ալևիները և այլոք հաճախ են առերեսվում հասարակական սպառնալիքի և վտանգի հետ :
«Թուրքիայում ազգայնականությունը կրոնը այնքան են սերտաճել իրար մեջ, որ մի շարք դեպքերում դժվար է տարբերակել էթնիկական և կրոնական անհանդուրժողականության դրսևորումները»,-ասվում է զեկույցում:
Ermenihaber.am
Այս ենթաբաժնի վերջին նորությունները
Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։
Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։
Եվրամիությունն այդ ծրագրի իրականացման համար հատկացրել է 21․3 միլիոն դոլար, իսկ Թուրքիան՝ 2․5 միլիոն դոլար:
Տեսանյութը լայնորեն տարածվել է սոցցանցերում և լայն քննարկումների առիթ դարձել։
Թուրքիայի նախագահը կմասնակցի «Իսլամական համագործակցության կազմակերպության» և Արաբական լիգայի արտահերթ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |