Քեմալ Քըլըչդարօղլու. «Թուրքիան դարձրել են բանտ»

Տարածաշրջան10:47, 20 Մայիս 2013

Քեմալ Քըլըչդարօղլու. «Թուրքիան դարձրել են բանտ»

Թուրքիայի գլխավոր ընդդիմադիր ուժի` ժողովրդահանրապետականների առաջնորդ Քեմալ Քըլըչդարօղլուն Այդընում մասնակցել է «Ազատություն և ժողովրդավարություն» խորագրով հանրահավաքին և հրապարակային խիստ քննադատության ենթարկել պաշտոնական Անկարայի վարած քաղաքականությունը Սիրիայի հարցում: Բացի այդ նշել է, որ երկրի դատական ատյանները սպասարկում են իշխող ուժի` վարչապետ Էրդողանի ղեկավարած «Արդարություն և զարգացում» կուսակցական շահերը:

«Բոլորս էլ գիտենք, որ դատարաններն արդարությունը չեն պաշտպանում: 1940-ականներին հիտլերյան ժամանակաշրջանում համակենտրոնացման ճամբարների ժամանակակից տարբերակները Ստամբուլի Սիլիվրի կալանավայրում են հիմա: Ուսանողները բանտում են, բանվորները բանտում են, զինվորները բանտում են, փաստաբանները բանտում են: Ո°վ բանտում չէ: Բոլորն բանտերում են: Ամբողջ Թուրքիան դարձրել են բանտ», -ըստ «Ջումհուրիյեթ» թերթի` ասել է ընդդիմադիր կուսակցապետը:

Հիշեցնենք, որ Թուրքիայի բռնակալական ռեժիմը խարազանելու համար դեռևս 19-րդ դարում գրեթե նուն միտքն է արտահայտել պոլսահայ ականավոր երգիծաբան Հակոբ Պարոնյանը` ասելով. «Տաճկաստանի մեջ բանտ... բանտի մեջ բանտ»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: