Թուրքիայի մշակույթի նախարարի անեկդոտը զայրացրել է հայկական համայնքին

Հասարակական10:04, 20 Մայիս 2013

Թուրքիայի մշակույթի նախարարի անեկդոտը զայրացրել է հայկական համայնքին

Թուրքական «Թ24» լրատվական կայքը ներկայացրել է Թուրքիայի մշակույթի նախարարի հայերին ուղղված կոչերը, ինչպես նաև նրա հայտնի անեկդոտի վերաբերյալ հայկական համայնքի գրավոր արձագանքը:
Թուրքիայի մշակույթի և զբոսաշրջության նախարար Օմեր Չելիքի «Հայկական սփյուռքը կազմող նախկին կամ դեռ Թուրքիայի Հանրապետության քաղաքացիներին հայրենիք ենք հրավիրում, թող գան» կոչին ի պատասխան` «Ակոս» թերթը «Եկեք. Ասելը հեշտ» է վերտառությամբ հոդվածում քաղաքացիների կասկածները և մի շարք հարցեր ներառող ապրումներն էր արտացոլել:

«Հյուրիյեթ» թերթի հոդվածագիրներից Մեհմեթ Յըլմազը գրել է, որ վարչապետ Էրդողանը մտավորականների ժողովի ժամանակ մեջբերել էր մշակույթի նախարարի անեկդոտը. «Մի մարդ Ալլահին աղոթում է, ասելով, թե իրեն ամբաստանել են և որ իրեն պաշտպանի, իսկ երկնքից լսվող ձայնը ասում է. «ամբաստանության դեմ ոչինչ չեմ կարող անել, ինձ էլ ասում են, թե Հիսուսի հայրն եմ»»: Այն ներկաների ծիծաղն էր առաջացրել, իսկ Թուրքիայի քրիստոնյա քաղաքացիները, մասնավորապես, հայերը վիրավորվել էին, և նրանց անհանգստությունը երկրից դուրս էր տարածվել:

Իրենց անհանգստությունը տարբեր ճանապարհներով արտահայտել առաջարկողները, վերջապես, այս իրավիճակը հասարակությանը մի քննադակական հոդվածով տեղեկացնելու որոշում կայացրեցին և անգամ ԶԼՄ-ներում հրապարակեցին:

Կառավարությանը և մշակույթի նախարարությանը այսօր տրված քննադատական գրությունը ներկայացվում է ստորև.

«Ինչպես տեղեկանում ենք 2013 թվականի մայիսի 13-ի «Հյուրիյեթ» թերթում հոդվածագիր Մեհմեթ Յըլմազի` «Մշակույթի նախարարի անեկդոտը» հոդվածից` վարչապետ Ռեջեփ Թայիփ Էրդողանի և մտավորականների հանդիպման ժամանակ մշակույթի նախարար Օմեր Չելիքի անեկդոտը հեգնական ծիծաղի տեղիք էր տվել:

Այս լուրը Հայր-Որդի-Սուրբ Հոգի երրորդությանը հավատացող քրիստոնյաներին խորապես ցավ է պատճառել և մեր սուրբ զգացմունքները վիրավորել է:

Մարդկանց սրբություններին դիպչող, սուրբ հասկացությունները և արժեքները վիրավորող, վշտացնող վերաբերմունքը որակվում է որպես ոչ ակտուալ, խստորեն քննադատում ենք:
Անեկդոտը պատմած պարոն նախարարին և մեջբերող պարոն վարչապետին կոչ ենք անում ներողություն խնդրել:

Իսկ անեկդոտի վրա ժպտացողներին խորհուրդ ենք տալիս պատկերացնել իրենց զգացողությունները մի իրավիճակում, որտեղ մուսուլմաններով լեցուն դահլիճում բեմից մեկ կամ մի քանի քրիստոնյա իսլամի հավատքի ընդունված փաստերը անեկդոտի առարկա դարձներ»:

Սարգիս Ադամ
Նադյա Ույգուն
Ռուսթեմ Այրալ
Րաֆֆի Հերմոն Արաքս

Ermenihaber.am