Թուրքիայի վարչապետը Քըլըչդարօղլուին դատի է տալիս

Քաղաքական07:31, 18 Մայիս 2013

Թուրքիայի վարչապետը Քըլըչդարօղլուին դատի է տալիս

«Ժողովրդահանապետական կուսակցության» ղեկավար Քըլըչդարօղլուի կողմից Թուրքիայի վարչապետ Էրդողանին և Սիրիայի նախագահ Ասադին նմանեցնելու հանգամանքը քննադատությունների տեղիք է տվել, հատկապես կոշտ է արձագանքել Էրդողանը:

Թուրքական «Հաբեր ա» լրատվական կայքը մեջբերել է Էրդողանի խոսքերը. «Իմ երկրի շահերի հետ կապված այցելությամբ ԱՄՆ-ում եմ: Գլխավոր ընդդիմադիր կուսակցությունը Թուրքիայի հանրապետության վարչապետի նկատմամբ անըմբռնելի հայտարարություններ է անում: Գործընթացի վերաբերյալ խնդիրը փոխանցել եմ իմ փաստաբաններին: Ոչ ոքի թույլ չենք տա Թուրքիայի վարչապետին մարդասպան ասելու հանդգնություն ցուցաբերել: Սա մաքրելու համար միայն մեկ վայր կա: Այն էլ դատարանն է: Դատարանում պատասխանը ինքը անպայման կտա: Հրապարակներում ես իմ ստացած դաստիարակության պատճառով նման կերպով չեմ խոսի: Այդ լեզվին ես էլ եմ տիրապետում, սակայն այդ մակարդակի չեմ իջնի: 76 միլիոն բնակչության վարչապետ եմ: «Ժողովրդահանապետական կուսակցությանը» նվիրված մեր քաղաքացիները նույնպես անհանգստացած են: Դա էլ ենք տեսնում»:

Հիշեցնենք, որ «Ժողովրդահանապետական կուսակցության» նախագահը` Քեմալ Քըլըչդարօղլուն, Եվրոպայի Խորհրդարանում մասնակցել է ԵԽ «սոցիալիստների և դեմոկրատների առաջադեմ դաշինքի» ժողովին, որից հետո տեղի ունեցած մամուլի ասուլիսի ժամանակ պատասխանել է լրագրողների` Սիրիայի շուրջ տեղի ունեցող զարգացումներ վերաբերյալ հարցերին: Քլըչդարօղլուն, Էրդողանին և Ասադին միմյանց նմանեցնելով, ասել է. «Որքան ժամանակ է, ինչ զինված ծայրահեղական տարրերին սնելով, գրպանները փող դնելով, զինելով Սիրիա ուղարկելը դարձել է վարչապետի գործը: Ռեյհանլըում մահացած 51 հոգու մարդասպանը Ռեջեփ Թայիփ Էրդողանն է: Դրա պատասխանատուն Ռեջեփ Թայիփ Էրդողանն է»:

Ermenihaber.am