Ես ո´չ հայ եմ, ո´չ էլ հույն` զտարյուն թուրք եմ

Հասարակական08:56, 18 Մայիս 2013

Ես ո´չ հայ եմ, ո´չ էլ հույն` զտարյուն թուրք եմ

Թուրքական «Հաբերթուրք» լրատվական կայքը ներկայացրել է կայքի հարցազրույցը Նասուհ Մհրուկիի հետ, որը համարվում է Էվերեստի գագաթը բարձրացած առաջին թուրքը և AKUT-ի (որոնողափրկարարական միություն) ղեկավարն է:

Հոդվածի այն հատվածը, որտեղ տեղ են գտել Մահրուկիի հայկական ծագման վերաբերյալ պարզաբանումները, ներկայացվում է ստորև.

-Ամբողջ կատարվածների մեջ ի՞նչն է Ձեզ ամենաշատը անհանգստացրել:
- Այն, որ ինձ մեղադրում են թուրք չլինելու մեջ, քանի որ ես զտարյուն թուրք եմ: Ես հայ կամ հրեա չեմ և ուզում եմ, որ ինձ հիշատակեն այնպես, ինչպես, որ կամ:

-Այս հանգամանքը շա՞տ է ազդել Ձեր նատմամբ վստահության վրա:
-Ինչպե՞ս կարող է չազդել: Հնարավոր է, որ Անկարայում, Ստամբուլում տարբերույթյուն չկա, սակայն, երբ Թուրքիայում գյուղական շրջաններ եք գնում, այնտեղ ոչ մուսուլմաններին չեն վստահում: Այս հարցում այնքան շատ են քարոզչություն արել, որ… 99-ին մեզ 432 միլիարդի նվիրատվություն էր կատարվել, այդ բամբասանքներից հետո գումարը 23 միլիարդով իջավ:

-Որևէ սպառնալիք ստացել ե՞ք:
-Ո´չ, այդիպսի բան ոչ ոք չի կարող համարձակվել, սակայն նենգաբար որոշ բաներ արել են: Մի մարդու, որին ցանկանում էինք AKUT-ի անձնակազմի մեջ ընդգրկել, սպառնացել էին. «Գնում ես մի հասարակական կազմակերպություն, որի գլխին հայ է կանգնած, քեզ նախազգուշացնում ենք, ընտանիքիդ մասին մտածի´ր»:

-Հայոց ցեղասպանությունն էլ է AKUT-ի խնդի՞րը:
-Թուրքիային և թուրք մարդուն հետաքրքրող յուրաքանչյուր բան մեր ոլորտ է ընդգրկվում: Ես AKUT-ի դիրքորոշումը այդպես եմ սահմանել, մեր կանոնադրության մեջ մասնավորապես այդպես էլ գրված է: Հայոց ցեղասպանությունն էլ Թուքիայի խնդիրն է: Սփյուռքհայերը Ամերիկայում ապրող, իրենց համար լայն ընդգրկում ունեցող ոլորտ ստեղծած մարդիկ են, և դա իրենց համար մասնագիտություն են դարձրել: Հայոց ցեղասպանությունը պատմելու համար գումար են հավաքում, հսկայական բյուջեով հարվածում են Թուրքիային: Թուրքիայում այս գործից ամենալավատեղյակ մարդուն` Մեհմեթ Փերինչեքին էլ ծիծաղելի փաստարկներով բանտարկեցին: Էրգենեքոն է, չգիտեմ եսիմ ինչ է: Հիմարություն:

-Ազգայնակա՞ն եք:
-Կոշտ ազգայնական չեմ, բայց հայրենասեր եմ: Մենք քեմալական հասարակական կազմակերպություն ենք և Աթաթուրքի ազգայնականության հետևորդ ենք: Նա, ով այսպիսին չէ, չի կարող մուտք գործել մեր շարքերը: Սա սկզբունքային կետ է: