Էրդողանը ամերիկացիներին հրավիրում է ներդրումներ անել Թուրքիայում

Տնտեսական08:24, 17 Մայիս 2013

Էրդողանը ամերիկացիներին հրավիրում է ներդրումներ անել Թուրքիայում

Պաշտոնական այցով ԱՄՆ-ում գտնվող Թուրքիայի վարչապետ Ռեջեփ Թայիփ Էրդողանը Վաշինգտոնի առևտրի պալատում հանդիպել է ամերիկացի գործարարների հետ:
Հանդիպմանը Էրդողանը նշել է, որ 10 տարվա ընթացքում Թուրքիան, արձանագրած զարգացման ցուցանիշներով աշխարհում Չինաստանից հետո էներգետրիկ պահանջարկի տեսանկյունից ամենաարագ աճ արձանագրող երկիրն է: «Ուզում եմ ընդգծել, որ Թուրքիան աշխարհում մեքենաշինական արտադրությամբ 16-րդն է և Եվրոպայի առևտրային մեքենաների ամենամեծ արտադրողն է: Սակայն մեր նպատակը հետևյալն է` Թուրքիան սեփական մեքենաներն է արտադրելու: Ով ինչ ուզում է թող ասի, սա էլ է լինելու, և Թուրքիան համաշխարհային էներգետիկ սպառման կեսի և նավթի բնական գազի պահուստների 70 տոսկոսի խաչմերուկում է գտնվում»,-հայտարարել է Էրդողանը:

Էրդողանը նշելով, որ մի շրջանում, երբ դեռ շարունակվում է համաշխարհային տնտեսական ճգնաժամի ազդեցություն, Թուրքիան աշխարհում կարևոր ներդրումային կենտրոններից մեկն է դարձել, ամերիկացի գործարարներին էլ հրավիրել է ներդրումներ անելու Թուրքիայում: «Մենք ձեզ հրավիրում ենք Թուրքիայում ներդրումներ կատարելու: Թուրքիան Եվրոպայի Կովկասի, Միջին Ասիայի, Միջին Արևելքի և Հյուսիսային Աֆրիկայի հետ աշխարհագրական հաղորդակցության հնարավորություն ունեցող կայուն տնտեսական և առևտրային ուժ է»:

Անդրադառնալով Թուրքիայի առավելություններին` նշել է, որ 76 միլիոն բնակչության 60 տոկոսի միջին տարիքը 30-ից ցածր է: Իսկ երկիրը երիտասարդ և դինամիկ 26 միլիոն լավ կրթություն, բարձր աշխատանքային ուժ և մոտիվացված աշխատուժ ունեցող բնակչությամբ Եվրոպայի Միության երկրների շարքում 5-րդն է:

Ermenihaber.am