«FT». Թուրքիան մեծ խաղ է խաղում

Տարածաշրջան07:50, 15 Մայիս 2013

«FT». Թուրքիան մեծ խաղ է խաղում

«Financial Times» թերթը հրապարակել է մի հոդված, որտեղ քննարկվում է Թուրքիայի և Իրաքյան Քուրդիստանի միջև կնքված էներգետիկ պայմանագիրը, դրա ռիսկայնությունն ու շահեկանությունը: Իրաքի հյուսիսից նավթ մատակարարելու տնտեսական քաղաքականությունը դիտվում է երկրի ներսում քրդական հարցի կարգավորման բանակցություններին զուգահեռ գործընթաց:

Քրդերի հետ հաշտեցման հասնելով` Անկարան, ըստ պարբերականի, կուժեղացնի իր քաղաքական ազդեցությունը Թուրքիայից դուրս գտնվող քրդաբնակ գոտիներում, այդ թվում և Սիրիայի նախագահ Բաշար Ասադի տապալումից հետո տեղի քրդերի շրջանում: Թուրքիան սերտացնում է հարաբերությունները փաստացի տնտեսական և քաղաքական անկախության հասնող Իրաքյան Քուրդիստանի հետ: Դա կարող է ուժ հաղորդել քրդական անջատողականությանը Բաղդադից:

Մայիսի 16-ին Վաշինգտոնում Թուրքիայի վարչապետը հանդիպելու է ԱՄՆ նախագահի հետ: Հոդվածագիրը չի բացառում, որ այդ հանիդպման ժամանակ Օբաման Էրդողանին զգուշացնելու է, որ Իրաքյան Քուրդիստանի հետ Անկարայի հարաբերությունների սերտացումը նպաստելու է Իրանի հետ Իրաքի իշխանությունների մերձեցմանը:

«Թուրքիան մի մեծ խաղ է խաղում: Բայց Օսմանյան կայսրության մի մասը եղած այդ տարածքներում ամերիկացիների` Իրաք մտնելուց հետո խաղեր խաղալն արդեն մեծ ռիսկեր է պարունակում»,- եզրափակվում է հոդվածը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: