Թուրքիայում տեղի ունեցած պայթյունների առնչությամբ կան ձերբակալվածներ, բոլորը թուրք են

Տարածաշրջան10:53, 13 Մայիս 2013

Թուրքիայում տեղի ունեցած պայթյունների առնչությամբ կան ձերբակալվածներ, բոլորը թուրք են

Թուրքիայի ներքին գործերի նախարար Մուամմեր Գյուլերը, Արդարադատության նախարար Սեդուլլահ Էրգինը, առողջապահության նախարար Մեհմեթ Մուեզզինօղլուն և փոխվարչապետ Բեշիր Աթալայը մամուլի ասուլիս են հրավիրել և որոշակի տեղեկություններ հայտնել մայիսի 11-ին Հաթայ նահանգի Ռեյհանլը շրջանում տեղի ունեցած պայթյունների կապակցությամբ:

Ըստ թուրքական «Իհլաս» լրատվական գործակալության` պայթյունի հետևանքով սպանվածներից 38-ի ինքնությունը պարզվել է. նրանցից 35-ը Թուրքիայի, 3-ը Սիրիայի քաղաքացիներ են: Փոխվարչապետ Աթալայը տեղեկացրել է, որ միջադեպի կապակցությամբ արդեն ձերբակալվել է 9 հոգի, որոնք բոլորն էլ Թուրքիայի քաղաքացիներ են և կասկածվում են Սիրիայի հատուկ ծառայությունների հետ կապ ունեցող ահաբեկչական խմբավորման անդամ լինելու մեջ:

Հիշեցնենք, որ մայիսի 11-ին Թուրքիայի Հաթայի շրջանի Ռեյհանլը քաղաքի Աթաթուրքի փողոցում, որտեղ գտնվում է նաև քաղաքապետարանը 15 րոպե ընդմիջումով 2 հզոր պայթյուն է որոտացել, ինչի հետևանքով սպանվել էր 46, վիրավորել 53 մարդ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: