Թուրք նախարարն ուղերձ է հղել Ասադի մորը

Տարածաշրջան09:47, 13 Մայիս 2013

Թուրք նախարարն ուղերձ է հղել Ասադի մորը

Թուրքիան արձագանքել է Հաթայ նահանգի Ռեյհանլը շրջանում տեղի ունեցած պայթյուններին: Թուրքական «Հաբեր ա» լրատվական ծառայության փոխանցմամբ` Թուրքիայի վարչապետ Ռեջեփ Թայիփ Էրդողանը մայրերի օրվան նվիրված միջոցառման ժամանակ պատասխանել է այն մեղադրանքներին, թե պայթյունները հետևանք են վարչապետի սիրիական քաղաքականության:

«Մեզ ասում են, թե Սիրիայի նկատմամբ ձեր քաղաքականությունը սխալ է: Ի՞նչ անենք, անտեսե՞նք այն երեխաներին, թե՞ գնանք Դամասկոս երեխաների մարդասպանների հետ նկարվենք: Այդպես խոսողներն ինչպես են իրենց մայրերի, երեխաների աչքերին նայելու: Մեր նախնիները մեկ մարդու համար հնդկական թերակղզի նավատորմ էին ուղարկում: Մենք այսպիսի նախնիների թոռներ ենք: 500 հազար հրեայի համար բացում էին դռները: Օսմանցին այդպիսի ազգ է եղել, մենք էլ նրանց թոռներն ենք»:

Իսկ Թուրքիայի եվրաանդամակցության հարցերով պետնախարար և գլխավոր բանագնաց Էգեմեն Բաղըշը. «Թուրք ազգը այնքան ուժեղ է, որ այս ամենն իրագործողներին իրենց տեղը ցույց կտա» ասելով` դիմել է Բաշար Ալ Ասադի մորը.

«Մայրերի օրը ցանկանում եմ մի ուղերձ հղել: Հարգելի´, Էնիսե Մահլու´ֆ, ոչ մի մայր չի ուզում անգութ զավակ լույս աշխարհ բերել: Ոչ մի մայր չի ուզում իր ժողովրդին սպանող, իր քաղաքները ռմբակոծող, մեկ օրում 100-150 հոգու սպանողի մայրը լինել: Սակայն, տիկին Մահլուֆ, որդուդ ականջը ձգի´ր, սանձերը քաշի´ր, գուցե զավակիդ ցավը սիրտդ վշտացնի, սակայն միլիոնավոր նոր զավակներ ձեռք կբերես, միլիոնավորների օրհնանքը կստանաս»,- ասել է Բաղըշը:

Հիշեցնենք, որ մայիսի 11-ին Թուրքիայի Հաթայի շրջանի Ռեյհանլը քաղաքի Աթաթուրքի փողոցում, որտեղ գտնվում է նաև քաղաքապետարանը 15 րոպե ընդմիջումով 2 հզոր պայթյուն է որոտացել, ինչի հետևանքով սպանվել էր 46, վիրավորել 53 մարդ:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: