Թուրքիայում ահաբեկում են ալևիներին

Տարածաշրջան13:57, 09 Մայիս 2013

Թուրքիայում ահաբեկում են ալևիներին

Ստամբուլի Մալթեփե թաղամասում ալևիների տների վրա անհայտ անձինք «մահ» գրություն են թողել: Մահվան սպառնալիքով այդ գրությունները լայն արձագանք են ստացել Թուրքիայում: Կազմակերպվել է բողոքի ակցիա, որին մասնակցել է ավելի քան 300 մարդ:

Թուրքական «DHA» լրատվական գործակալության փոխանցմամբ` ցուցարարները Գյունսյու թաղամասից ոտքով քայլել են մինչև Էսենկենթի մոտ: Ցուցարարները նշել են, որ այս ամենը իշխանական վերնախավի` վաղօրոք մշակած ալևիներին օտարելու քաղաքականության հետևանք է: Նրանց խոսքերով Մալաթիայի, Ադըյամանի, Երզնկայի, Մարաշի. Սվասի, Թոքատի և Գազիանթեփ քաղաքներում, որտեղ բավական մեծ թվով ալևի բնակչություն է ապրում, նման սադրող բնույթի երևույթները նորություն չեն:

Վերոնշյալին անդրադրաձել է նաև «Ֆըրաթ» լրատվական գործակալությունը՝ նշելով, որ Մալթեփեյի ալևի բնակիչները նույնպես հակված են այն կարծիքին, որ այդ գրություններն իշխանությունների թողտվությամբ են: Ավելին, Բինգյոլ, Թունջելի և այլ գավառներից Ստամբուլում վերաբնակեցված ալևի ընտանիքները հայտարարել են, որ իրենք ոչ մի խնդիր չունեն հարևանությամբ բնակվող սուննի բանկիչների հետ, և այդ ամենը սադրանք է:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: