Թուրքիայի նախագահը հույսը կտրել է նոր սահմանադրությունից

Տարածաշրջան07:23, 07 Մայիս 2013

Թուրքիայի նախագահը հույսը կտրել է նոր սահմանադրությունից

Պաշտոնական այցով Պորտուգալիայում գտնվող Թուրքիայի նախագահ Աբդուլլահ Գյուլը հանդիպել է լրագրողների հետ: Ըստ թուրքական «NTV»-ի` նախագահ Գյուլը լրագրողներին տեղեկացրել է, որ նոր սահմանադրության ուղղությամբ տարվող աշխատանքներն ըստ էության հաջողությամբ չեն պսակվել:

«Նոր սահմանադրության ստեղծման հետ կապված անկեղծ ասած մի բան եմ ուզում ասել: Մտահոգիչ դրություն է: Այդքան խոսեցինք, արեցինք, բայց չեղավ: Բոլորն էլ տարբեր առաջարկներ ունեին: Արդեն ակնհայտ է, որ լիովին նոր սահմանադրություն չի կազմվում: Արդեն հասկանում ենք, որ նման բան էլ չի լինելու»,- ասել է Գյուլը, հավելելով, որ իրենց ստեղծած հանձնաժողովի նպատակը լիովին նոր սահմանադրություն ստեղծելն էր, բայց քանի որ դա չհաջողվեց, կջանան գոնե առաջնահերթություն ունեցող որոշ փոփոխություններ կատարել մայր օրենքում:

Թուրքիայի նախագահն անդրադարձել է նաև չարչրկված այն սահմանադրական դրույթը, ըստ որի, թուրք է համարվում Թուրքիայի քաղաքացին: Գյուլը մատնանշելով եվրոպական երկրների օրինակը` ասել է, որ պարտադիր չէ բոլորը թուրք համարվեն, ինչ է թե Թուրքիայի քաղաքացի են, թեև պետությունը թուրքական է:

Տեղեկացնենք, որ Թուրքիայի սահմանադրության 66-րդ հոդվածի համաձայն` Թուրքիայում ծնված յուրաքանչյուր քաղաքացի համարվում է թուրք: Այս դրույթը Թուրքիայի ազգությամբ ոչ թուրք քաղաքացիների կողմից հաճախ է դիտվում որպես ռասիսզմի դրսևորում: Սահմանադրական բարեփոխումների կողմնակիցները դրա փոխարեն առաջարկում են «Թուրքիայի Հանրապետության քաղաքացիներ» ձևակերպումը:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: