Արետ Վարդանյան. «Անվանս պատճառով ես Թուրքիայում պոտենցյալ վտանգ եմ դիտարկվում»

Հասարակական14:03, 02 Մայիս 2013

Արետ Վարդանյան. «Անվանս պատճառով ես Թուրքիայում պոտենցյալ վտանգ եմ դիտարկվում»

Թուրքական «Հակասական հարցեր» հեռուստանախագծին հյուրընկալված Թուրքիայում բնակվող հայ գրող Արետ Վարդանյանը խոսել է Թուրքիայում իր հայկական ծագման հետ կապված խնդիրների մասին:

Վարդանյանն ասել է, որ իր հայկական ծագման պատճառով Թուրքիայում որպես օտար է ընդունվում, իսկ Թուրքիայից դուրս ընդունվում է որպես իր ծագմանը դավաճանած մարդ:

Վարդանյանը նշել է, որ ինքը փոքրամասնություն բառը չի սիրում` ասելով. «Ես փոքրամասնություն բառը չեմ սիրում, որովհետև մենք նույն ինքնությունն ունենք. ես էլ եմ այստեղ ծառայում, իմ հայրենիքն էլ է սա»:

Վարդանյանը, նշելով, որ չի ընդունում Թուրքահայ հասկացությունը, այդ թեմայով մի պատմություն է պատմել:

«Ծառայակից ընկերս ինձ հարցրեց, թե ինչու է իմ անունը Արետ: Ես պատասխանեցի, որ ես Թուրքիայի հայ եմ: Նա քմծիծաղով ասաց, «Աստված քեզ հետ»: Սակայն նա էլ մեղավոր չէր: 10 օր անց նա, ինձ մոտենալով, ասաց. «Բայց դուք էլ էք լավ մարդիկ»:

Ծառայությանս առաջին օրը ուսմանս համապատսխան ինձ վերցրեցին մամուլի հաղորդագրություններին հետևող բաժին: Հաջորդ օրը հրամանատարը եկավ ու ինձ ասաց. «Արետ կներես, բայց փոքրամասնություններին չենք վերցնում»: Պատկերացրեք, թե ինչ զգացի…»

Ermenihaber.am