Թուրքիայում հայկական եկեղեցին քանդվում է ու վերածվում հանրակացարանի

Հասարակական10:00, 01 Մայիս 2013

Թուրքիայում հայկական եկեղեցին քանդվում է ու վերածվում հանրակացարանի

Թուրքիայի Մարդու իրավունքների կազմակերպության (İHD) Սիիրթի մասնաճյուղը ուսումնասիրել է Էրուհի շրջանում հայերին պատկանող եկեղեցիների ու գերեզմանոցների ոչնչացման քաղաքականությունը և հանդես եկել զեկույցով:

Մամուլի ասուլիսի ընթացքում կազմակերպության ներկայացուցիչները ներկայացրել են զեկույցը: Մասնավորապես անդրադարձել են Էրուհի Սբ. Հովհաննես հայկական եկեղեցու ապամոնտաժման հարցին: Եկեղեցին առանց քաղաքապետարանի թույտվության վերածվում է մահմեդական կրոնական կրթություն ստացող ուսանողական հանրակացարանի:

İHD ներկայացուցիչները մամուլի ասուլիսի ընթացքում ցույց են տվել Սբ. Հովհաննես եկեղեցու հուշաքարերի լուսանկարները, որոնց վրա կան հայերեն գրություններ ու խաչ` տեղեկացնելով, որ այդ քարերն օգտագործվել են հանրակացարանի շինարարության մեջ:

Կազմակերպության անդամներից Զանա Աքսուն հիշեցրել է, որ վերջերս Էրուհ-Սիիրթ ավտոճանապարհի շինարարական աշխատանքների ընթացքում ոչնչացվել էին մոտ 100 հայկական գերեզմաններ, և մահացածների ոսկորներն այս ու այն կողմ էին նետվել, այնուհետև գյուղացիները հավաքել են դրանք ու ամփոփել հողում: Եվ այս միջադեպի առնչությամբ իրավասու մարմինները ոչ մի քայլ չեն ձեռնարկել:

«Սա հայ ժողովրդի հավատքի և կենցաղի նկատմամբ վիրավորանք է: Տիրող իրավիճակի պատասխանատուների նկատմամբ պետք է քրգործ հարուցվի: Անցյալից մինչև այսօր շարունակվող ասիմիլացիայի, ոչնչացման ու հերքման քաղաքականության դրսևորումներից մեկն է նաև հայկական եկեղեցին ուսանողական հանրակացարանի վերածելը, հատկապես որ քաղաքապետարանից շինարարության թույլտվություն չի տրվել: Ժամ առաջ անհրաժեշտ է դադարեցնել այս շինարարությունը: Ուսանողական հանրակացարանը թող մեկ այլ տեղ կառուցվի : Հնագույն և պահպանության կարիք ունեցող վայրում այս նորակառույցի շինարարությունը գնահատում ենք որպես հետին միտք ունեցող նախաձեռնություն»,-ասել է Աքսուն:

Ermenihaber.am

Այս ենթաբաժնի վերջին նորությունները

12:51, 24 հուն

Թուրքիա մեկնած օտարերկրացիների մեջ 1-ին տեղում ադրբեջանցիներն են

Ադրբեջանցիներին հաջորդում են թուրքմենները (9.8%), ուզբեկները (7.6%), ռուսները (7.5%) և իրանցիները (5.9%)։

11:29, 24 հուն

Թուրքիայում կբացվի պաղեստինցի փախստականների աջակցության գրասենյակ

Համաձայնագիրը ստորագրվել է Ստամբուլում տեղի ունեցած «‎Իսլամական համագործակցություն»‎ կազմակերպության անդամ երկրների արտգործնախարարների խորհրդի նիստի շրջանակում։