Հալաչօղլուն պատասխանել է թուրք երգիչին

Հասարակական08:20, 25 Ապրիլ 2013

Հալաչօղլուն պատասխանել է թուրք երգիչին

“Twitter” սոցցանցում թուրք երգիչ Նիհաթ Դողանի, և նրա հետևորդի միջև հետաքրքիր զրույց է ծավալվել: Հայտնի երգիչի` «1915 թվականի աքսորի վերաբերող փաստերը թող հրապարակվեն» գրառմանը հետևորդներից մեկը պատասխանել է. «Այն փաստերը Յուսուֆ Հալաչօղլուն է հրապարակել»: Նիհաթ Դողանն էլ իր հերթին պատասխանել է« «Հալաչօղլուն թուրք ռասիստ ազգայանական է, նրան միայն ռասիստ, ազգայնական, ձեր նման ֆաշիստներն են հավատում: Շարունակեք հավատալ այդ մարդուն»:

Թուրքական «Հաբերլեր» լրատվական կայքի փոխանցմամբ` Հալաչօղլուն անհաղորդ չի մնացել և ի պատասխան ասել է.
«Գրքին նայում է, գերան է տեսնում: Անփորձ երիտասարդները քաջ են լինում: Այս ելույթով նա իր անփորձությունն, տգիտությունն է ի ցույց դնում: Չգիտեմ` ինչպես է երգում, բայց թող շարունակի իր երգը երգել: Գիտությունն էլ գիտնականներին թող թողնի: Օրակարգ մտնելու համար թող ուրիշ մարդկանց անունը օգտագործի: Չգիտեմ, թե իրեն ով է ճանաչում, բայց Յուսուֆ Հալաչօղլույին ամբողջ աշխարհն է ճանաչում»:

Տեղեկացնենք, որ Հալաչօղլուն Հայոց ցեղասպանության կարկառուն զեղծարարներից է: Գլխավորել է Թուրքիայի պատմագիտական ընկերությունը: «Ազգայնական շարժում կուսակցության» ցուցակով դարձել է Թուրքիայի մեջլիսի պատգամավոր:

Ermenihaber.am