Թուրք ինքնության վեր դասումը պառակտիչ է

Հասարակական07:45, 17 Ապրիլ 2013

Թուրք ինքնության վեր դասումը պառակտիչ է

«Մտավորականների հանձնաժողովում» ընդգրկված գրող, հրատարակիչ Բասքըն Օրանը հյուրընկալվել է «Խոսքը քոնն է» հաղորդմանը, որտեղ պատասխանել է քրդական հարցի շուրջ ծավալվող իրադարձությունների մասին հարցերին:

Հիշեցնենք, որ Թուրքիայում հստեղծվել է «մտավորականների հանձնաժողով», որի նպատակն է թուրք-քրդական հակամարտության լուծման ուղիներ որոնել: Հանձնաժողովի կազմում ընդգրկվել է նաև պոլսահայ լրագրող Էթիեն Մահչուփյանը:

Օրանը, խոսելով թուրք հասարակության վախերի մասին, մասնավորապես նշել է, որ 1915 թվականից այս կողմ որևէ խնդրի լուծում չի տրվել, և բոլոր դիակները պահվել են պահարանում: «Այժմ էլ այդ դիակները գալիս են մեզ վրա և մենք էլ քանի որ այդ դիակները չենք թաղել վախենում ենք, որ մեզ վրա կգան: Սակայն միայն սա չէ: Հանրապետության հետ միասն թուրքն էլ ամենաուժեղ ցածր խավից բարձրացել դարձել է ամենաբարձրը, հիմա էլ չի ուզում անտեղից իջնել»,-ասել է գրողը:

Բասքըն Օրանը, նշելով որ, իր խոսքերի պատճառով, թե թուրքերի ինքնության վեր դասումը առիթ է դառնում անջատողականության համար, իր հետևից դավաճան են ասում` նկատի ունենալով նաև Դեվլեթ Բահչելիին:

«Ազգային պետություն թե ազգ-պետություն: Երբ ասում ենք ազգային պետություն, խնդիր չկա: Սրան հակառակ ազգ- պետությունը մեր գլխին Աստծո պատիժ է: Քանի որ, երբ ցածր խավը իր ինքնությունը մյուսներից բարձր է դասում, փորձելով ձուլել մյուսներին, և երբ մյուսները չեն ընդունում նրա առավելությունը, պառակտում է լինում: Այդ իսկ պատճառով պարզ ասում եմ, որ թուրքի ինքնության վեր դասումը պառակտիչ է»:

Նա նշել է, որ կարևոր է, որ թուրքի ինքնությունն էլ ցածր համարվի, իսկ բարձր լինի այնպիսի մի ինքնություն, որ այնտեղ ապրող յուրաքանչյուր քաղաքացու համար կիրառելի լինի: Ըստ Օրանի` այդ ինքնությունը «թուրքիացին է»: Տվյալ պարագայում կարելի կլինի ասել և «թուրքիացի թուրք և թուրքիացի քուրդ»:

Ermenihaber.am