Օջալանի վերջին ուղերձը

Տարածաշրջան08:21, 15 Ապրիլ 2013

Օջալանի վերջին ուղերձը

Թուրքական «Մարաստահաբեր» լրատվական կայքի փոխանցմամբ «Խաղաղություն և զարգացում կուսակցության» պատգամավորներ Փերվին Բուլդանը և Սըրը Սուրեյա Օնդերը մասնակցել են կուսակցության Ստամբուլի նահանգային գրասենյակում կազմակերպված մամուլի ասուլիսին, որի ժամանակ պատմել են «Քուրդիստանի բանվորական կուսակցության» հիմնադիր-առաջնորդ Աբդուլլահ Օջալանի հետ 1,5 ժամ տևած հանդիպման մասին:

«Խաղաղություն և զարգացում կուսակցության» պատգամավոր Սըրը Սուրեյա Օնդերը տեղեկացրել է որ Քանդիլի նամակը հասցվել է Աբդուլլահ Օջալանին: «Նամակը քննելուց հետո մի քանի օրվա մեջ գնահատական կտա», - ասել է նա:

Օնդերը ընթերցել է այս առումով Օջալանի հղած ուղերձը, որում մասնավորապես ասվում է.
«Հարգարժան Թուրքիայի ժողովուրդ, խաղաղության և ժողովրդավարության լուծման գործընթացը, որը մենք ապրում ենք, շարունակվում է իր ամբողջ զգայունությամբ հանդերձ: Ինչպես զինադադարի պահպանման, այնպես էլ նահանջի գործընթացի իրականացման համար ինտենսիվորեն աշխատում եմ: Կարող եմ ասել, որ եկող փուլերում ավելի հուսադրող կետում կլինենք: Այս համատեքստում մեր կատարած աշխատանքը մի քանի օրվա մեջ Թուրքիայի ժողովրդին կներկայացնեմ: Այս ժողովրդավարական գործընթացում իր լուման ներդրած յուրաքանչյուրին իմ անսահման շնորհակալությունն եմ հայտնում , ինչպես նաև ժողովրդավարական և արդարացի խաղաղության հանդեպ ունեցած իմ հավատով ողջունում եմ բոլորին»:

Հիշեցնենք, որ Քանդիլի քրդերը (Հյս. Իրաք) նամակ էին ուղարկել Օջալանին, նշելով, որ նահանջը պետք է կատարվի օրենսդրական հիմունքներով, որով թուրքական պետությունը կկատարի իր վրա դրված պարտականությունները:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: