Հասարակական13:24, 12 Ապրիլ 2013
«Radikal»-ը պատասխանել է «հայի խելքն ինձ պետք չի» խոսքերի հեղինակին
Ինչպես հայտնի է, քրդական խնդրի լուծման գործընթացին աջակցելու նպատակով թուրքական կառավարության նախաձեռնությամբ ձևավորվել էր մտավորականների հանձնախումբ` բաղկացած 63 անդամից: Արդեն զանազան գնահատականներ են հնչել հանձնախմբի տարբեր անդամների վերաբերյալ:
Թուրքական «Ռադիքալ» օրաթերթում տեղ գտած հրապարակման համաձայն` ուշագրավ է հատկապես ընդդիմադիր «Ազգայնական շարժում կուսակցության) (ԱՇԿ-AKP) պատգամավոր Ահմեթ Դուրան Բուլութի հնչեցրած գնահատականները, որոնք վերաբերում են Թուրքայի քաղաքացի հանդիսացող հայերին:
Հիշեցնենք, որ Դուրանն իրեն թույլ էր տվել հրապարակայնորեն նման արտահայտություն անել. «Հանձնախմբի անդամների ցանկում հայ կա: Մտավորական մարդ է, մեռնեմ նրա խելքին: Բայց ինձ հայի խելքը պետք չէ: Թուրք ազգի համար հայ մարդն ի՞նչ կարող է մտածել: Թուրքիայում հայ քաղաքացիեր ունենք, նրանց սիրում և հարգում եմ: Բայց դե դեռ երեկ պետությանը դեմ եղած, թուրք ազգի հանդեպ վրեժխնդրությամբ լցված մարդկանց այսօր որպես մտավորական ներառել են ցանկում»:
«Ռադիքալ»-ի ազգությամբ հայ սյունակագիր Հեկտոր Վարդանյանը թուրք պատգամավորի այս խոսքերին վերլուծական անդրադարձ է կատարել: Նշվում է, որ վերոնշյալ խոսքերը լուրջ ռիսկ են պարունակում և լի են ատելությամբ, կամ էլ , խոսքերի հեղինակը չի գիտակցում, որ ինքը պատգամավոր է, քանի որ Սահմանադրության 80-րդ հոդվածում ամրագրված է. «Թուրքիայի ազգային մեծ ժողովի (ԹԱՄԺ-TBMM) անդամները ներկայացնում են ոչ միայն իրենց առաջադրված շրջանը կամ իրենց ընտրողներին, այլ ամբողջ թուրք ժողովրդին»:
«Մի մարդ,- ընդգծում է հոդվածագիրը,- ում մտքում ռասիստական գաղափարեր են, իր արտայահայտություններով կարող է քայքայիչ ազդեցություն ունենալ: Նույնիսկ պատգամավորՆ իր խոսքի մեջ ինքն իրեն հակասում է: Ի՞նչպես կարող մի մարդ ասել, որ իրեն պետք չի հայի խելքը, կամ հայ մարդը ի°նչ կարող է մտածել թուրք ազգի մասին, ու այդ ամենից հետո ասել, թե սիրում և հարգում է Թուրքիայի հայ քաղաքացիներին»:
«Ռադիքալ»-ի սյունակագիրը հիշեցնում է պարոն պատգամավորին, որ Օսմանյան կայսրության առաջին սահմանադրության տակ դրված է հայերի ստորագրությունը և անատոլիական հողերում սահմանադրական իրավունքի ամենահին փորձ ունեցողը հայ ժողովուրդն է: Այդ ժամանակաշրջանի հայ մտավորականներից էին Նահապետ Ռուսինյանը, Նիկողայոս Բալյանը, Սերովբե Վիչենյանը և Գրիգոր Օտյանը: Նրանց ջանքերով էլ կազմվեց և հռչակվեց 5 գլխից և 99 հոդվածից կազմված հայոց սահմանադրությունը, որը 1862թ. որպես ազգային փոքրամանսություն հանդիսացող հայերի կանոնագիրք, օրենքի ուժ ստացավ: Այն կոչված էր կարգավորել հայության ինքնակազմակերպման հարցերը և հարաբերություններն Օսմանյան կայսրության հետ:
Պարբերականը, քննադատելով պատգամավորին անվահել թուրք օրենսդիրի նման պահվածքը, հիշեցնում է պատմաբան Հանս-Լուկասի դիտարկումն այն մասին, հայերը, հույները և այլք անբաժանելի մասն են կազմում Թուրքիայի պատմության, ինչպես հրեաները` Գերմանիայի:
«Իսկ հորինված պատմության մեջ խրվել մնալն այլ բան չէ, եթե ոչ դժբախտություն»,- եզրափակում է հոդվածագիրը` իր խոսքն ուղղելով «դժբախտ» պատգամավորին:
Ermenihaber.am
Այս ենթաբաժնի վերջին նորությունները
«Թուրքիայի վիճակագրական ինստիտուտը» տվյալներ է հրապարակել 2025թ․ հուլիսի դրությամբ երկրի աշխատաշուկայում տիրող իրավիճակի վերաբերյալ։
Նա նշել է, որ այնտեղից է ցանկանում է քայլելով հասնել մինչև Բաքու։
«Թուրքիայի վիճակագրական ինստիտուտի» տվյալների համաձայն՝ ամենից շատ օգտագործվող սոցցանցը Whatsapp-ն է:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Նշվում է, որ այսպես կոչված «Զանգեզուրի միջանցքի» շրջանակում Ադրբեջանում կառուցվող 110․4 կմ երկաթգիծը և 104 կմ ավտոճանապարհի նախագծերը ևս «Քալյոն» ընկերությունն է իրականացնում։
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Հայկական ծագումով ամերիկացի լրագրողի այն հարցին, թե ինչու ոչ մի վարչապետ չի ճանաչել ցեղասպանությունը, Նեթանյահուն պատասխանել էր. «Ես հենց նոր ճանաչեցի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |