Մաշալյան. Թուրքիայում երկխոսությամբ լուռ հեղափոխություն է իրականացվում

Հասարակական07:50, 11 Ապրիլ 2013

Մաշալյան. Թուրքիայում երկխոսությամբ լուռ հեղափոխություն է իրականացվում

Շանլըուրֆա քաղաքում տեղի է ունեցել Թուրքիայի լրագրողների և գրողների հիմնադրամի միջմաշակութային երկխոսության պլատֆորմի կողմից կազմակերպված «մշակութային փոխանակման» և միջկրոնական երկխոսությունը: Հայ, հրեա, ասորի և կաթոլիկ դավանանքի ներկայացուցիչները հետ միասին մասնակցել են նաև նահանգային մուֆթին և մոլլաները:

Կրոնական փոքրամասնությունները խոսել են իրենց նկատմամբ կիառված ճնշումների, Թուրքիայում իրենց դավանանքին պատկանող հուշարձանների ոչնչացման մասին, ինչպես նաև կարևորվել է երկոխոսության համար բացվող հնարավորությունը, քրդական խնդրի շուրջ ծավալվող լուծման գործընթացը և բազմազանությունը որպես հարստությունը ընդունելը:

Ժողովի ժամանակ շանլուրֆացի գրող Սաբրի Դիշլին հայ և ասորի ներկայացուցիչներից ներողություն է խնդրել` ասելով. «Ձեզ պատկանող մի գերեզմանաքար անգամ չենք կարող ցույց տալ, և դրա համար ամոթ եմ ապրում»:

Ժողովին մասնակցել է Պոլսո Հայոց պատրիարքի տեղապահ Արամ Աթեշյանի օգնական Սահակ եպիսկոպոս Մաշալյանը, որը ելույթում գովել է հիմնադրամի գործունեությունը, նշելով. «Թուրքիայի լրագրողների և գրողների հիմնադրամը Թուրքիայում անձայն հեղափոխություն է իրականացնում: Նմանատիպ ժողովներով կոտրվում են նախապաշարմունքները, մի օր անգամ իմ գաղափարներն էլ է փոխել: Խաղաղությունը միասին սեղան, հարթակը կիսելով, ձեռքսեղմումով, առանց ամաչելու միամյանց աչքերի մեջ նայելով է լինում: Եվ այս ուղին, չնայած բազմաթիվ հակազդեցությունների, այս հիմնադրամն է սկսել»:

Ermenihaber.am