Թուրք աշակերտները և ուսուցիչները վտանգ են տեսնում իրենց հետ ապրող հայերի, հույների և հրեաների մեջ

Հասարակական10:48, 11 Ապրիլ 2013

Թուրք աշակերտները և ուսուցիչները վտանգ են տեսնում իրենց հետ ապրող հայերի, հույների և հրեաների մեջ

Թուրքիայի Ադանա քաղաքի կրթության և գիտության գործիչների արհմիության`800 մանկավարժների և 1066 ուսանողների շրջանում անցկացված սոցհարցման արդյունքների համաձայն` 70 տոկոսը հավատում է, որ Թուրքիայում ապրող հույների, հայերի և հրեաների մի մասը հնարավորության դեպքում պատրաստ է վնաս հասցնել թուրքական պետությանը: Իսկ 51 տոկոսը պնդել է, որ թուրք ազգը այլ բարեկամ չունի բացի թուրքից:

Արհմիությունը ձևավորել է դասագրքերի ուսումնասիրության հանձնախումբ և սոցհարցման արդյունքների հիման վրա նպատակ ունի վերհանել ոլորտում առկա խնդիրները: Օրինակ քաղաքի տարբեր թաղամասերում գտնվող միջնակարգ դպրոցներում և քոլեջներում հարցման ենթարկվածների 36 տոկոսը համոզված է, որ Թուրքայի կրթական ոլորտում կանանց նկատմամբ տղամարդկանց գերակշռությունը ժամանակավոր է:

Հանձնախմբի ղեկավար դասախոս Գյուվեն Բողանը տեղեկացրել է, որ սոցհարցման արդյունքերը ուղարկվելու են կրթության նախարարություն: Ըստ հանձնախմբի ղեկավարի` իրենք նպատակ ունեն մոտ ապագայում Թուրքիայի կրթական հաստատություններում շրջանառության մեջ դնել ժամանակակից, խաղաղություն քարոզող, կանանց և տղամարդկանց հավասարությունն ապահովող դասագրքեր:

Ermenihaber.am