Թուրք պրոֆեսոր. «Օջալանը ազատ կարձակվի 2015-ին»

Տարածաշրջան07:55, 11 Ապրիլ 2013

Թուրք պրոֆեսոր. «Օջալանը ազատ կարձակվի 2015-ին»

Գազի համալսարանի տնտեսագիտության ֆակուլտետի դասախոս, պրոֆեսոր Ումիթ Օզդաղն Իմրալը կղզում բանտարկված քրդերի առաջնորդ. ««Քուրդիստանի բանվորական կուսակցության» (ՔԲԿ-PKK) ղեկավար Աբդուլլահ Օջալանի ազատ արձակումը հնարավոր է համարել 2015 թվականին:

Այս մասին, ըստ թուրքական «Դողան հաբեր» լրատվական գործակալության, Օզդաղը հայտնել է «Անթալիայի արդյունաբերողների և գործարարների միության» (ԱԱԳՄ-ANSİAD) 7-րդ ժողովի ժամանակ ունեցած ելույթում:

Պրոֆեսորը նշել է, որ թուրքական իշխանությունները, բանակցելով «ՔԲԿ»-ի հետ, պատրաստվում են էական զիջման գնալ: Ու այդ զիջումը սահուն կերպով կատարելու համար ուղեկցվում է հոգեբանական օպերացիայով: Ըստ պրոֆեսորի` քրդական հարցի լուծման ուղիների որոնման համար ստեղծված «մտավորականների հանձնաժողովը» հանձնարարություն ունի իրագործել հենց այդ հոգաբանական օպերացիան:

«Անխուսափելի է Թուրքիայում ճեղքի առաջացումը: Օջալանի և ՔԲԿ-ի հետ տարվող բանակցությունների ամենակարևոր կետը և գլխավոր զիջումը սա է լինելու. Թուրքիան դառնալու է նախագահական համակարգով կառավարվող դաշնային պետություն: Դրա ժամանակը ոչ թե 2023, այլ 2015 թվականն է լինելու, քանի որ Օջալանաին այդ ժամանակ են ազատ արձակելու: Արդյունքում Թուրքիան երկու ղեկավար կունենա, առաջինը` Էրդողանը, երկրորդն էլ կոնկրետ տարածաշրջանի ղեկավար` Օջալանը»,- եզրակացրել է թուրք պրոֆեսորը:

Ermenihaber.am

Այս ենթաբաժնի վերջին նորությունները

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։