Տարածաշրջան10:05, 10 Ապրիլ 2013
Քուրդ ղեկավարները չեն վստահում Թուրքիային
Քուրդիստանի համայնքների միության
ղեկավար խորհրդի նախագահ Մուրադ Քարայըլանը հայտարարել է, որ Թուրքիայի
իշխանությունները փոխել են իրենց վերաբերմունքը և սկսել են ասել, որ նահանջելու
համար օրենսդրական անհրաժեծտություն չկա և պահանջում են անմիջապես վայր դնել
զենքերը, սակայն բանակցությունների ընթացքում քրդերի բանտարկված առաջնորդ Աբդուլլահ Օջալանի
հետ պայամանվորվածությունները այդպիսին չեն եղել:
Քարայըլանը
մասնավորապես ասել է.
«Գործընթացը 3 կետից է բաղկացած. Նախ զինադադար
և զինյալների նահանջ, ապա սահամանադրական բարեփոխումներ, հետո նոր զինաթափում:
Իրականում, երբ սահամանդրորեն ամրապնդվի ժողովուրդների հավասար իրավունքները, երբ
քուրդ ազգը իր լեզվով կարողանա խոսել և իրեն ղեկավարել, ապա զենքի կարիք անգամ չի
լինի:
Անհրաժեշտ է, որ Թուրքիայի ղեկավարությունը զինյալների երկրից դուրս գալու օրինականացման հարցում մի որոշում ընդունի: Արդեն 9-րդ անգամ է, որ զինադադար է հայարարվում: 1999 թվականին մեր բոլոր ուժերը դուրս հանեցինք Թուրքիայի սահմանից, սակայն, ցավոք, Թուրքիան մեր բոլոր ջանքերին դրական պատասխան չտվեց: 20 տարուց ավել է, ինչ քրդական հարցի երկխոսությամբ քաղաքական լուծման կոչ ենք անում, սակայն մինչև այսօր Թուրքիան կառուցողական չի եղել: Այս անգամ ցանկանում ենք մեր նախորդ փորձերից դասեր քաղել և նախապատրասել մեր յուրաքանչյուր քայլ: Ինչեպես օրինակ 1999 թվականին, երբ նահանջելու որոշում կայացվեց, Թուրքիայի ղեկավարությունը հարյուրավոր նահանջող ՔԲԿ-ականների սպանեց, մի մասին էլ ձերբակալեց: Այժմ սկսել ենք կասկածել, որ Թուրքիայի իշխանությունը հարցի լուծման վերաբերյալ լուրջ է տրամադրված:Մեր կարծիքը կարծես թե կիսում է նաև ղեկավարության կողմից Օջալանի հետ բանակցությունների համար նշանակված հանձնաժողովը:
Մենք կկատարենք Օջալանի նամակի պահանջները, քանի որ դա մեզ համար էլ
նոր բացվող դուռ է և ռազմավարական
նշանակություն ունեցող նախագիծ: Սակայն Թուրքիայի մակերեսային վերաբերմունքը կասկած
է հարուցում: Մենք չենք ասում, թե չենք նահանջի: Միայն ասում ենք, որ անհարժեշտ է
նահանջելու վերաբերյալ օրենսդրական կարգավորում և կառավարության կողմից իրեն բաժին
ընկած պարտավորությունների իրականցում:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |