Էրդողան. «Թուրքիայի ազգային եկամուտը 10 տարվա ընթացքում եռապատկվել է»

Տնտեսական11:35, 02 Ապրիլ 2013

Էրդողան. «Թուրքիայի ազգային եկամուտը 10 տարվա ընթացքում եռապատկվել է»

Թուրքական «հաբերթուրք» էլեկտրոնային թերթը մանրամասնություններ է հաղորդում վարչապետ Ռեջեփ Թայիփ Էրդողանի` խորհրդարանում ունեցած ելույթից: Ապրիլի 2-ին Թուրքիայի խորհրդարանում «Արդարություն և զարգացում կուսակցության» (ԱԶԿ-AKP) խորհրդարանական խումբը հերթական նիստն է անցկացրել: Ելույթով հանդես է եկել կուսակցության ղեկավար Էրդողանը և անդրադարձել Թուրքիային հուզող խնդիրներին` մեջբերելով երկրի տնտեսությանն առնչվող մի շարք վիճակագրական տվյալներ:

Էրդողանը 2012թ. տնտեսության ոլորտում կատարված աշխատանքներն ամփոփել է թվերի տեսքով: 2012թ. առաջին քառորդում 3.3%, 2-րդ քառորդում՝ 2.9%, 3-րդում՝ 1.6% և վերջին՝ 4-րդ քառորդում 1.4% հաջորդաբար արձանագրված տնտեսական աճը, իսկ տարեկան կտրվածքով՝ 2.2% տնտեսական աճը, ըստ Էրդողանի, հիանալի ցուցանիշ է, քանի որ այն գերազանցում է Եվրոպայում արձանագրած արդյունքներին:

Թուրքական կառավարության ղեկավարը նաև նշել է, որ դեռ 10 տարի առաջ իրենց պետական եկամուտը կազմում էր շուրջ 230 միլիարդ դոլար, իսկ այժմ այն արդեն գրեթե եռապատկվել է: Տնտեսության զարգացման տեսանկյունից 2012 թվականը բարեհաջող է գնահատվել Թուրքիայի համար:

Ermenihaber.am

Այս ենթաբաժնի վերջին նորությունները

14:36, 06 մայ

Թուրքիան հիդրոէլեկտրակայանների հզորությամբ աշխարհում 9-րդն է

Սան Ֆրանցիսկոյում գործող «Global Energy Monitor» կազմակերպությունը հրապարակել է այն երկրների ցանկը, որոնք ունեն աշխարհի հզորագույն հիդրոէլեկտրակայանները։