Ասադ. «Եթե ես հաղթեմ, Էրդողանը կհեռանա»

Տարածաշրջան11:58, 08 Մարտ 2013

Ասադ. «Եթե ես հաղթեմ, Էրդողանը կհեռանա»

Թուրքական «Սամնյոլուհաբեր» լրատվականի հաղորդման համաձայն` թուրքական գլխավոր ընդդիմադիր կուսակցության՝ ԺՀԿ-ի (Ժողովրդահանրապետական կուսակցություն) պատվիրակությունն այցելել է Սիրիայի նախագահ Բաշար Ասադին: Թերթում ներկայացված է հատվածներ Ասադի կողմից արված որոշ ուշագրավ հայտարարություններից: Նա մասնավորապես ասել է. «Ես եթե ուզենամ էլ, չեմ կարող հեռանալ: Այս փոթորիկի պայմաններում մինչև որևէ անվտանգ կառամատույցի չմոտենամ, նավը չեմ կարող լքել: Ժողովուրդն իմ թիկունքին է: Մի օր այս փոթորիկը կվերջանա, ընտրություններ կլինեն, դեմոկրատիա կհաստատվի, և եթե ժողովուրդը ինձ ասի՝ գնա, ես կգնամ: Եթե պետք է հեռանամ, ապա կհեռանամ, միայն թե դա ժողովուրդը պիտի ասի: Էրդողանը և Քաթարի թագավորը սիրիական ճգնաժամն իրենց համար իշխանությունը պահելու միջոց են դարձրել: Եթե Սիրիան հաղթի, նրանք իրենց երկրներում տանուլ են տալու»:

Ասադը, խոսելով Սիրիայում կատարվող զարգացումներում Թուրքիայի մասնակցության մասին, ասել է. «Սիրիայում 23 երկրից եկած ահաբեկիչներ կան: Ամենաշատը՝ Եմենից ու Լիբիայից: Բոլոր ահաբեկիչները մեր երկիր են ներթափանցում գլխավորապես Թուրքիայի սահմանով: ԱՄՆ-ի, Ռուսաստանի, Չինաստանի և մնացած երկրների` այդ գործընթացում ունեցած ազդեցությունը միասին վերցրած ավելի քիչ է, քան՝ Թուրքիայինը»:

Սահմանների վերաբերյալ Ասադն ասել է, որ Սիրիայի՝ Թուրքիայի հետ ունեցած սահմանի 25 %-ը ՔԲԿ-ի (Քուրդիստանի բանվորական կուսակցություն), իսկ մնացած 75 %-ը Ալ Քաիդայի հսկողության տակ է, և իրենք թուրք-սիրիական սահմանամերձ գոտում կատարված ահաբեկչության հետ որևէ կապ ունենալ չեն կարող, քանի որ նրանք այլևս չեն վերահսկում այդ սահմանը:

Սիրիայի նախագահը քրդերի մասին ասել է. «Տարածաշրջանում քրդական պետության ստեղծման հնարավորությունները մեծացել են: Հյուսիսային Սիրիայի քրդերը միացել են Իրաքի քրդերի հետ: Քրդական պետության հիմնումը արդեն ժամանակի խնդիր է»:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: