Սիրիան դատի է տվել Թուրքիային

Տարածաշրջան10:03, 06 Մարտ 2013

Սիրիան դատի է տվել Թուրքիային

Թուրքական «Փոսթա» թերթը, հղում անելով Սիրիայի նախագահ Բաշար Ասադի վարչակազմին մոտ կանգնած «Էլ Վաթան» թերթին, գրում է, որ Սիրիայի արդյունաբերական պալատների միությունը եվրոպական երկրներից մեկում ահաբեկիչներին աջակցելու և գործարանների կողոպուտի մեղադրանքով դատի է տվել Թուրքիային: Սակայն, նշված չէ, թե եվրոպական որ երկրի դատարանին է ներկայացվել հայցը:

Սիրիայի արդյունաբերական պալատների միության նախագահ Ֆարիս Էլ- Շահեբին վերոնշյալ թերթին տված հարցազրույցում, ասել է, որ դա քաղաքական հայացքներից անկախ, իրավունքների վերականգնմանն ուղղված հայց է: Սահեբիի խոսքերով` Սիրիայի արդյունաբերական պալատների միությունը Թուրքիայի վարչապետ Էրդողանին մեղադրում է Հալեպի նահանգի գործարանների դետալները Թուրքիա տեղափոխելու մեջ մասնակցություն ունենալու և զինյալ խմբերին աջակցելու մեջ:

Ըստ աղբյուրի` դեռ հունվար ամսին Սիրիայի արտաքին գործերի նախարարության՝ ՄԱԿ-ի Անվտանգության խորհրդին ուղղված նամակում մասնավորապես նշվում է, որ Հալեպ քաղաքում շուրջ 1000 գործարան Թուրքիայի կառավարության իմացությամբ և թողտվությամբ կողոպտվել է , իսկ ապրանքները Թուրքիա են տեղափոխվել: Նամակում նշվել է նաև, որ այդ ամենը Սիրիայի ժողովրդի ունեցվածքին ուղղված ոտնձգություն է և կոչ է արվել Թուրքիա տեղափոխված գողոնը վերադարձնել տերերին:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: