ERMENI HABER AJANSI

Սուրբ Սոֆիա տաճարի տակ 488 մետր երկարությամբ թունել է հայտնաբերվել: Այս մասին հայտնում է թուրքական «Յենիքշաֆաք» (Yenişafak) օրաթերթը: Գյուլենսոյի գիտական արշավախումբը 15 տարի է, ինչ հետազոտում է տեղանքը: Ստորգետնյա պեղումներից և ուսումնասիրություններից հետո պատրաստվում է «Այա Սոֆիայի խորխորատնորում» անվամբ վավերագրական ֆիլմ նկարահանել:

Արշավախմբի ղեկավար Գյուլենսոյը նշել է, որ հետազոտությունները սկսելիս իրենք տեղյակ են եղել խորհրդավոր պատմությունների ու լեգենդների մասին և փորձել են բացահայտել դրանց գաղտնիքը, պարզել իսկության չափը: Գյուլենսոյը տեղեկացրել է նաև, որ թունելից բացի հայտնաբերվել է երկու սենյակ, որոնք հռոմեացիների և բյուզանդացիների ժամանակ գերեզմանոցներ են եղել: Հայտնաբերվել է նաև ստորգետնյա թաքստոց:

Հիշեցնենք, որ Սուրբ Սոֆիայի տաճար, (Այա Սոֆիա) եղել է Բյուզանդական կայսրության գլխավոր քրիստոնեական տաճարը (6-րդ դար), Կոստանդնուպոլսի պատրիարքի նստավայրը: Այն համարվում է Բյուզանդիայի «ոսկեդարի» խորհրդանիշ: Oսմանցի թուրքերի կողմից Բյուզանդիայի մայրաքաղաքի գրավումից հետո տաճարը վերածվել է մզկիթի, այժմ գործում է որպես թանգարան: 

Ermenihaber.am