Թուրքիան ներդրումներ կկատարի Սոմալիի զինված ուժերում

Տարածաշրջան08:06, 04 Մարտ 2013

Թուրքիան ներդրումներ կկատարի Սոմալիի զինված ուժերում

Շուրջ 20 տարի ձգվող պատերազմների արդյունքում ավերված Սոմալիին պետական համակարգերը վերականգնելու գործում օգնելու է Թուրքիան: Առաջնային է համարվում անվտանգության համակարգի ձևավորումը: Այս մասին տեղեկացնող թուքական «Յենիշաֆաք» (Yenişafak) պարբերականը նշում է, որ բանակի և ոստիկանության վերակազմավորման հարցում Թուրքիայի աջակցությանը դիմած Սոմալիի վերաբերյալ Թուրքիայի ոստիկանության գլխավոր վարչության և զինված ուժերի Գլխավոր շտաբի կողմից նախագծեր են ներկայացվել երկրի արտգործնախարարություն:

Սոմալիի բանակի արդիականացման համար անհրաժեշտ ֆինանսավորումը կկատարվի Թուրքիայից: Նախագծի առաջին փուլի համար կտրամադրվի մոտ 20 միլիոն թուրքական լիրա: Միջազգային ֆոնդերից ստացված գումարների շնորհիվ այս թիվը կարող է ավելանալ:

Նշենք, որ նախագծի շրջանակներում նախատեսվում է կատարել նաև ուսուցողական գործառույթներ, ինչի համար Թուրքիա զինված ուժերի մասնագետները (6 հոգանոց խումբ) կմեկնեն Սոմալի: Նրանք առաջնահերթ կհիմնեն 100 հոգու համար նախատեսված ենթասպայական դպրոց, որտեղ ուսուցումը կիրականացնի թուրքական զինվորական անձանկազմը: Իսկ Թուրքիայի ոստիկանական ակադեմիայում արդեն 60 սոմալեցի կրթություն է ստացել և վերադարձել հայրենիք: Սպասվում է, որ Թուրքիայի ոստիկանական ակադեմիայում ուսանելու նպատակով ևս 500 հոգի սոմալեցի կուղարկվեն:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: