Կանխվել է Էրդողանի դեմ մահափորձը, կան ձերբակալվածներ

Տարածաշրջան08:55, 01 Մարտ 2013

Կանխվել է Էրդողանի դեմ մահափորձը, կան ձերբակալվածներ

Թուրքական «Հաբեր ա» լրատվականը կայքը տեղեկացնում է, որ Թուրքիայի վարչապետ Ռեջեփ Թայիփ Էրդողանի դեմ կազմակերպված մահափորձը կանխվել է վերջին պահին: Ահաբեկչական համարվող «Հեղափոխական ազատագրական ժողովրդական կուսակցության ճակատի» (ՀԱԺԿ-Ճ - DHKP-C) 6 անդամ ձերբակալվել է, իսկ նրանց մոտ հայտնաբերված զինամթերքը՝ առգրավվել:

«Տեղազննման բոլոր աշխատանքները ավարտել էինք: Էրդողանի տան շրջակայքում կապի խափանման հզոր սարքավորումներ կան, որոնց պատճառով ոչ հեռախոս և ոչ էլ X-Ray սարքերը չեն գործում»,- պատմել է վերոնշյալ կազմակերպության պատասխանատուն:

Անվտանգության ուժերը շուրջ մեկ տարի հետևել են կազմակերպության անդամներին: Տեղեկանալով, որ ահաբեկչական գործողության նախապատրաստական աշխատանքներն ավարտվել են, կանխարգելիչ գործողություն են սկսել, որի արդյունքում ձերբակալվել են մահափորձը նախապատրաստողները: Նրանցից մեկի բնակարանում հայտնաբերվել են Թուրքիայի վարչապետի տան քարտեզները, սխեմաները, ինպես նաև դատավորների և դատախազների տների նկարներ: Այժմ հատուկ ծառայությունները որոնողական աշխատանքներ են տանում հանցավոր խմբի մյուս անդամներին հայտնաբերելու ուղղությամբ:

Նշենք, որ 2013թ. փետրվարի 1-ին Անկարայում ԱՄՆ դեսպանատան վրա մահապարտ-ահաբեկչի հարձակումից հետո հայտարարությամբ հանդես եկած «ՀԱԺԿ-Ճ»-ն տեղեկացրել էր, որ իր հաջորդ նշանակետը վարչապետ Էրդողանն է:

«ՀԱԺԿ-Ճ»-ն հիմնադրվել է 1994 թվականի մարտի 30-ին: Ծայրահեղ ձախակողմյան կազմակերպություն է, որին Թուրքիան, ԱՄՆ, Անգլիան և Եվրամիությունը ներառել են ահաբեկչական կազմակերպությունների ցուցակում:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: