Օջալանը բացառում է Թուրքիայի մասնատումը

Տարածաշրջան12:36, 27 Փետրվար 2013

Օջալանը բացառում է Թուրքիայի մասնատումը

Թուրքական «Sabah» օրաթերթի հաղորդմամբ՝ Իմրալը կղզում ցմահ ազատազրկման դատապարտված քրդական շարժման առաջնորդ Աբդուլլահ Օջալանի՝ «Խաղաղություն և ժողովրդավարություն» կուսակցությանը (BDP-ԽԺԿ), Քանդիլ և Եվրոպային ուղղված նամակը հասել է իր հասցեատերերին: Կղզում Թուրքիայի վարչապետի թույլտվությամբ անցկացված վերջին հանդիպումից հետո 20 էջանոց ձեռագիր նամակը ըստ էության Օջալանի՝ 5 ամիս շարունակվող գործընթացի արդյունքում ձևավորված ճանապարհային քարտեզն է:

Նամակի հիմնական պահանջը քրդական զինյալ խմբավորումների զինաթափումն է, որը ըստ ներկայացված ճանապարհային քարտեզի, պետք է ընթանա երեք փուլով: Առաջին փուլում, մարտի 21-ին՝ Նովրուզի տոնին, «Քուրրդիստանի բանվորական կուսակցությունը» պետք է անցնի զինադադարի: Երկրորդ փուլում՝ մարտ –մայիս ամիսներին զինյալ խմբերը պետք է դուրս գան երկրից և սկսեն զենքը վայր դնելու շուրջ բանակցությունները: «ՔԲԿ»-ի զինյալների՝ երկրից հեռանալուց հետո պետք է հայտարարվի լիակատար զինադադարի մասին: Երրորդ փուլով նախատեսվում է Իրաքում գտնվող փախստականների ճամբարը (ըստ Թուրքիայի՝ այն դարձել է քրդական խմաբորումները որջը) դատարկել և կազմակերպել զինված պայքարից հրաժարվածների վերադարձը Թուրքիա:

Օջալանը, համոզմունք հայտնելով, որ ամբողջովին ժողովրդավար դարձած Թուրքիան կարող է լուծել նաև քրդական հարցը, իր նամակում տեղ է հատկացրել նաև այլ առաջնահերթությունների, ինչպիսիք են օրինակ`

ինքնավարության պահանջներից հրաժարում,
Թուրքիայի մասնատման բացառում,
քրդերի իրավունքների անվերապահ պաշտպանության իրականացում
բոլորի՝ թուրք թե քուրդ, հավասար իրավունքների ապահովում:

Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: